Мадзал баст у фæсивæдæн фидæны дæсныйад равзарынæн баххуыс кæнынимæ
Æппæтуæрæсеон акци «Студентон десант» æххæстгæнгæйæ, уæлдæр æмæ астæуккаг ахуыргæнæндæтты студенттæ бæрæг кæнынц республикæйы пъæлицæйы дæлхайæдтæ. Мадзал баст у фæсивæдæн фидæны дæсныйад равзарынæн баххуыс кæнынимæ. Мæздæджы студенттæ уыдысты кинологон службæйы, базыдтой куыйты куыд ахуыр кæнынц, уый. Кинологтæ сын радзырдтой сæ дысныйады сусæгдзинæдты тыххæй. Фæндаггон потрулон службæйы инспектортæ фæсивæдæн равдыстой пъæлицæйы машинæтæ мидæгæй цæмæй ифтонг сты, стиæй цавæр миниуджытæ хъуамæ уа адæймагмæ, цæмæй паддзахадон автоинспектор суа, уый тыххæй. Уымæй уæлдай, инспектортæ радзырдтой адæмон дружинæты рæнхътыты æрлæугæйæ, уый фæстæ, адæймаг мидхъуыддæгты министрадмæ кусынмæ куы цæуа, уæд ын цы пайда уыдзæн, уый. Студенттæ ма уыдысты экспертон – криминалистон хайады дæр, æмæ федтой къухвæдтæ раиртасыны тыххæй, эксперттæ цы кусæнгæрзтæй фæпайда кæнынц, уый. Æвзонг уазджытæ бабæрæг кодтой историон документтæ æмæ хуыздæр пъæлицæйæгты хи дзаумæттæ кæм сты, уыцы музей дæр. Уыцы бон ма базыдтой, æнахъом сывæллæттимæ кусыны æмæ миграцийы фарстаты фæдыл хайæдты службæйы хицæндзинæдтæ.
