филиал вгтрк государственная телерадиовещательная компания “Алания”

Мæздæджы Хæлардзинады Хæдзары уыди, регионалон æхсæнадон организаци «Правовой центр «Право на защиту»-йы сæрадр Мæхъиты Тамарæ æмæ Мæздæджы районы национ-культурон æхсæнад æмæ æхæснадон организациты минæвæртты фембæлд. Рухстауæн-профилактикон мадзал ацыди, организацийы, национ ахастдзинæдты фарстаты фæдыл министрады æмæ Мæздæджы районы бынæттон администрацийы хсæн цы бадзырд фыст æрцыди, уый фæдыл. Ныхас цыди, æхсæнады цы фарстатæ тыхсын кæны, уыдоныл. Сæйрагдæр та – юридикон æххуыс. Мæхъиты Тамарæ Мæздæджы районы фæци артæ боны, æмæ йын фембæлдтытæ уыди хъæуты цæрджытимæ, ахуырдзаутимæ, службæгæнджытимæ æмæ пенсиисджытимæ. Семæ æрныхас кодта лæвар барадон æххуысы фарстатыл.