Абоны онг 6 студенты кусынц тагъд æххуысы клиникон рынчындоны стæй республикæйы клиникон рычныдоны
Куы бахъæуа, уæд хистæр æмкусджытæн баххуыс кæныны тыххæй «сырх зонæ» кæй хонынц, уырдæм кусынмæ бацæудзысты медицинон колледжы студенттæ. Сæрмагондæй уый тыххæй ахуырад ацыдысты 600 адæймаджы. Абоны онг 6 студенты кусынц тагъд æххуысы клиникон рынчындоны стæй республикæйы клиникон рычныдоны. Цалдæрæй дзы фæлтæрддзинад райстой коронавирусы инфекци парахат кæныны фыццаг уылæны рæстæг. Фæсивæды архайды тыххæй бæстондæр – Сосранты Жаннæ.
Медицинон колледжы студентты ахуыр кæнынц «Сырх Зонæ»-йы кусыныл. Практикон ахуыртæн дзы равæрдтой сæрмагонд фæз, реанимацион хайадимæ. Фæсивæдæн зоныдзинæдтæ дæдтынц, фæлтæрдджын, иу æмæ дыууæ царды чи нæ фервæзын кодта, ахæм реаниматологтæ.
Улæфæнтæ сыгъдæг кæнæн, сæрмагонд, баз, пациенты монитор, фондз бæрæггæнæнимæ, æмæ ма бирæ æндæр хъæугæ хъуыддæгтæ, хъуамæ базоной студенттæ, «сырх зонæ»-мæ рацæуыны агъоммæ». Зæгъын хъæуы уый, æмæ пандемийæйы рæстæг, æдæппæтæй ахуыртæ кæй ацыдысты 600 адæймаджы. Ахуыртæ арæзт сты дыууæ хайæ. Практикон хайæн дихгонд цæуы 36 сахаты, лекцион æрмæгæн та 72 сахаты. Фæлварæн радтыны фæстæ, студенттæн лæвæрд цæуы сертификат. Уый райсгæйæ сæ бон у кусын коронавирусæй рынчынтимæ .
Уæвгæ, фыццагкурсонтæй уæлдай, æппæт студенттæ дæр цæуынц ахуыртæ сæрмагонд программæмæ гæсгæ. Уый фæрцы, бахъуаджы сахат, сæ бон уыдзæн «сырх зонæ»-мæ рацæуын. Ковиды фыццаг «уылæн», кæй хонынц, уым дæр медицинон колледжы ахуырдзаутæ се ххуысы хай хастой республикæйы рынчындæдты. Бирæтæ дзы уый фæрцы æнцондæртæй бацыдысты ахуырмæ, уæлдæр ахуыргæнæндæдтæм. Бафтаудзыстæм ма уый дæр, æмæ ахуырадон процесс медицинон колледжы, ныртæккæ цæуы раздæрау – æрвылбон. Дæрддзæфмæ ахуырадмæ арвыстой, канд короновирусæй рынчынтæ цы къорддты уыд, уыдон.
