филиал вгтрк государственная телерадиовещательная компания “Алания”

05:34 пятница, 29 марта 2024
16 сентября 2019, 13:36
Нæ рагфыдæлты царды æвдисæн Зручы Мады майрæны аргъуаны дæр хъæуы бындурон цалцæг

Абоны бонмæ ма дзы ивгъуыд æнусты къуылтыл баззад цалдæр нывæфтыдгонд хайы

Нæ рагфыдæлты царды æвдисæн Зручы Мады майрæны аргъуаны дæр хъæуы бындурон цалцæг. Ахуыргæндтæ куыд банымадтой, афтæмæй арæзт уыд 11-æм æнусы. Рæстæг цыд, иу фæлтæр ивта инейы, фæлæ сæ иу кодта ацы фыдæлтыккон куывддон. Абоны бонмæ ма дзы ивгъуыд æнусты къуылтыл баззад цалдæр нывæфтыдгонд хайы. Уыдонмæ гæсгæ специалисте бацархайдзысты культурон бынтæм цы кувæндон хаст æрцыд, уый сног кæныныл. Бæлвырддæр радзурдзæн Гуытъиаты Алинæ.

Реставратортæ кусынц, Зруджы комы цы рагон аргъуан ис, уый рацарæзтыл. Нымад цæуы, æмбал кæмæн нæй, ахæм архитектурон æмæ археологон цыртдзæвæныл. Сарæзой йæ иуæндæсæм æнусы, дыууæ мин метры бæрзæндыл. Ныртæккæ ма Зруджы Мады Майрæмы агъуанæй баззадис æрмæстдæр дыууæ къулы. Уыдоныл та ныр дæр ма ис фенæн къулыл нывæфтыдты фæдтæ.

Зруджы аргъуан арæзт у бынæттон дурæй. Хауы, Гуырдзыйæ Цæгат Кавказмæ æфцæгтыл цы кувæндонтæ ис, уыдоны къорды. Ныртæккæ аргъуан домы æвæстиат рацарæзт. Зругдон хæры былгæрæттæ, æмæ уый тыххæй рагон кувæндоны дыууæ къулы ныккалдысты. Ныртæккæ хъæуы былгæрæттæ ныффидар кæнын, цæмæй бахъахъхъæной, федералон нысаниуæг кæмæн ис, уыцы бæстыхай.

Зруджы Мады Майрæмы аргъуан бахъахъхъæныны фарста иу æмæ дыууæ хатты не взæрстой. Советон дуджы заман иу ам арæзтой иртасæн куыстытæ. Фæлæ алы æфсæнтты тыххæй рацарæзт рохуаты баззад. Сергей Филатов Зруджы аргъуан иртæста 1984 азы.

Фидæны фæлтæртæн рагон кувæндон бахъахъхъæныны нысанимæ Мæскуыйæ Цæгат Ирыстонмæ ссыдис специалистты къорд. Сæ сæргъы реставратор Лев Лифшиц. Уыдон бæлвырд æркастысты незаманты архитектурон цыртдзæвæнмæ æмæ цæттæ сты фыццаг хатдзæгтæ рахæссынмæ.

Ныртæккæ нæ республикæйы цæрджытæм фæзынд ныфс, Зруджы аргъуан кæй бахъахъхъæндзысты, уымæй. Кувæндон бахастой культурон бынтæ бахъахъхъæныны программæмæ Аланийыл дзуæрттæ бафтауыны мин сæдæ азы кадæн мадзæлтты фæлгæты. Специалисттæ ныридæгæн райдытой кусын рацарæзты проектыл.

vgtrk_alania
vgtrk_alania
vgtrk_alania
vgtrk_alania