Арæзт у фæсивæды социализацийы центры хъæппæрисæй
Нæ республикæйы арæзт уыдысты ерыстæ воркаутæй. Арæзт у фæсивæды социализацийы центры хъæппæрисæй. Хетæгкаты Къостайы культурæйы парчы центры æрæмбырд 30 скъоладзауы. Уый агъоммæ ацыдысты районты ерыстæ. Сæ тых барстой уынджы хъазгæ спортивон хуызтæй. Турниктыл алы фæлтæрæнтæ кæнынæй, уыимæ гимнастикæ æмæ акробатикæйы хуызтæ бафтаугæйæ.«Воркаут»-æн бындур æвæрд æрцыд Америчы. Ерыстæ аразджыты хъуыдымæ гæсгæ ахæм тренировкæтæ ахъаз сты æнæниздзинадæн, уимæ æнæ финансон хæрдзтæй, уымæн æмæ спортивон тренировкæтæ цæуынц уынджы. Сæйраг дæр у тырнындзинад. Афтæмæй адæймаг кусы йæ уæзыл, æвзæрын кæны тых æмæ фæразондзинад. Ам зæгъын хъæуы уый, æмæ хицæн фæлтæрæнтæ фæлтæрдджын гимнасттæн дæр зын вæййы сæххæст кæнын.
