07 июля 2020, 16:30
Нæ республикæйы скъолаты рауагъдонтæ дæр дæттынц иумæйаг паддзахадон фæлварæнтæ
Сæ зонындзинæдтæ уырыссаг æвзагæй абон сбæрæг кодтой 3 мин 500 лæппу æмæ чызджы
Куыд æппæт Уæрæсейы, афтæ нæ республикæйы скъолаты рауагъдонтæ дæр дæттынц иумæйаг паддзахадон фæлварæнтæ. Сæ зонындзинæдтæ уырыссаг æвзагæй абон сбæрæг кодтой 3 мин 500 лæппу æмæ чызджы.
Цæмæй санитарон домæнтæ æххæстгонд æрцæуой, уымæ гæсгæ фæлварæн лæвæрдтой 2 къапхнæй. Уырыссаг æвзагæй фæлварæн радтыны дыккаг къæпхæны сæхи сфидар кодтой 1092 адæймаджы. Уыдон сты куыд ацы азы, афтæ фароны рауагъдонтæ.
Фæлварæн раттынмæ бацæттæ кодтой 10 пункты. 27-æм скъолайы сæ зонындзинæдтæ сбæрæг кодтой 115-æй. Се ппæтæн дæр сбарстой сæ буары тæвд, къухтæ бапырх кодтой сæрмагонд фæрæзæй æмæ сæ кæрæдзимæ сбадын кодтой дæрдзæф ран.
темæмæ гæсгæ
