Цæудзæн Дыгургомы æхсæрдзæн Галдурыдонмæ. Йæ дæргъ уыдзæн 4 километры.
Национ парк «Алани»-йы байгом кæндзысты фыццаг экологон къахвæндаг.
Цæудзæн Дыгургомы æхсæрдзæн Галдурыдонмæ. Йæ дæргъ уыдзæн 4 километры. Уырдæм цæугæйæ уазджытæн фадат уыдзæн 10 æрдзон æмæ арт-объектимæ базонгæ уæвынæн, стæй бынæттон рæсугъддзинæдтæ фенынæн. Се хсæн æртæ дисыфтауæг æхсæрдзæны. Æппæтæй хуыздæр рæстæг туристон балцытæн уыдзæн майæ – октябры онг. Уæд æрдзон рæсугъддзинæдтæ ирддæрæй зындзысты æппæт уазджытæн. Хъæддаг æрдзы Æппæтдунеон Фонды регионалон хайад «Российский Кавказ»-ы директор Валерий Шмунк куыд радзырдта, афтæмæй проект фадат ратдзæн Цæгат Ирыстоны экологон туризмы инфраструктурæ саразынæн. Уыцы хъуыддагмæ се вæрæн активонæй хæссынц Æрæфы районы цæрджытæ дæр. Зæгъæн ис, æмæ уый у фыццаг къахдзæф Национ парчы, республикæйы хицауады, Æрæфы районы æмæ туристты хсæн æнгом æмгуыстадмæ. Национ парк «Алани»-йы экологон къахвæндаг дæнцæг суыдзæн экологон туризмы къабазы. Уыимæ ма хъыгдард нæ баййафдзысты æрдзон комплекстæ дæр.
