2020-æм азы хъуамæ байгом кæной 45 центры, 2021-æмы та – 72
Национ проект «Ахуырад» æххæстгæнгæйæ, нæ республикæйы скъолаты гом кæнынц нырыккон технологитæй æххæст центртæ. Абоны онг республикæйы сты 17. 2020-æм азы хъуамæ байгом кæной 45 центры, 2021-æмы та – 72. Министрады зæгъынц, афæдзмæ æппæт хъæуты скъолатæ ифтонг уыдзысты ахæм кълæстæй. «Точка роста» кусы Камбилеевскæйы дæр. Моргуаты Ладæ радзурдзæн йæ архайды тыххæй.
Камбилеевскæйы 1-æм скъолайы ахуырдзаутæ урочыты фæстæ фæтагъд кæнынц шахмæттæй хъазынмæ, æмæ æндæр фæлладуадзæн мадзæлттæй ифтонггонд центрмæ. Ам гæнæн ис, æмæ нырыккон фæлтæрæн цымыдисаг чи у, ахæм виртуалон шлем, квадракоптер сисын, кæнæ шахмæттæй ахъазын.
5 азы размæ дæр ма ахæм ахуырад истой æрмæст Дзæуджыхъæуы цалдæр скъолайы. Абон та ног технологитæй пайда кæнынц хъæуты дæр. Ацы аз Горæтгæрон районы 3 скъолайы фæзындысты ахуыргæнæн центртæ «Точка роста». Сæ фæрцы ахуыр кæнынц нырыккон домæнтæ æххстгæнгæйæ. Центртæ ифтонг сты 3D-принтертæй, робототехникæйы конструктортæй, интерактивон панельтæй æмæ æндæр бæрзонд технологон кусæнгæрзтæй.
Ам сывæллæттæн амонынц технологиты æмæ информатикæйы, стæй царды æдасдзинады нырыккон зонындзинæдтæ. Стæй æндæр уæлæмхасæн предметтæ.
7-æм къласы ахуырдзау Давид зæрдиагæй фæцæуы скъоламæ, сси алыхуызон конкурсты уæлахиздзау. Зæгъы, йæ фæлтæрддзинад æй бахъæудзæн. Давиды фæнды программист суæвын.
«Точки роста» арæзт у национ проект «Ахуырад» æххæстгæнгæйæ. Абоны онг республикæйы ис 17 центры. Кæм нæма сты, уыцы скъоладзауты бон та у сæхи иннæ ахуыргæгæндæтты сæрмагонд кълæстæм ныффысын æмæ сæм цæуын.
2020-æм азы хъуамæ байгом кæной 45 центры «Точка роста» 2021-æмы та 72. Министрады зæгъынц, афæдзмæ æппæт хъæуты скъолатæ ифтонг уыдзысты ахæм кълæстæй.
