филиал вгтрк государственная телерадиовещательная компания “Алания”

02:01 воскресенье, 25 октября 2020
01 октября 2020, 13:05
50
Национ проекттæ, паддзахадон программæтæ æмæ Беслæны генералон пълан æххæст кæныны мадзæлттыл дзырдтой, Тускъаты Таймуразы разамындæй цы видеоконференци сарæзтой, уым

Национ проекттæ, паддзахадон программæтæ æмæ Беслæны генералон пълан æххæст кæныны мадзæлттыл дзырдтой, Тускъаты Таймуразы разамындæй цы видеоконференци сарæзтой, уым. Хицауады сæрдар бадомдта, цæмæй арæзтæдты æмгъуыдтæ хæлд ма цæуой. Уый уæлдайдæр хауы сывæллæтты рæвдауæндæтæм цы уæлæмхасæн агъуыстытæ аразынц, уыдонмæ. Уыимæ ма бафиппайдта, цæмæй куыстытæ цæуой фæлхасадмæ цæстдарды æмæ зынгсирвæзтытæй бахъахъхъæныны специлистты амынддзинæдтæ æххæс ткæнгæйæ. Ныртæккæ нæ республикæйы цы объекттæ аразынц, уыдонæй цалдæрмæ ис федералон центры цæстдард. Хауынц сæм Æрыдоны спортивон комплексы æмæ культурæйы галуаны арæзтад, Цæлыччы скъола, стæй Рахизфарсы æмæ Мæздæджы районты рæвдауæндæтты арæзтад. Видеоконференцийы рæстæг дзырдтой, 2021-æм æмæ 2022-æм азы цы ног объекттæ сараздзысты, уыдоны тыххæй. Фæндаггон картæйы куыд нысангонд уыдис, афтæмæй сараздзысты, фæйнæ 120 сабийæн бынат кæм уа, ахæм 6 рæвдауæндоны. Беслæны генералон пълан æххæст кæныны мадзæлттыл дзургæйæ та фехъусын кодтой, Менделеевы уынджы съола æмæ æрыгон æрдззонджыты станцæйы проекттæ паддзахадон экспертизæ кæй ацыдысты, уый тыххæй. Ныртæккæ та экспертизæмæ цæттæ кæнынц Чкаловы уынджы скъола, тагъд æххуысы станцæ, поликлиникæ æмæ сывæллæтты галуаны проекттæ. Уымæй уæлдай районы администрацийы ныртæккæ кусынц Беслæны сæйраг парчы бындурон рацарæзты пъланыл.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: