63 æрхъуыдыдзинады – геофизикæйæ, хæхтæ иртасыны хъуыддаджы, геологийæ æмæ геоэкологийæ. Уымæй уæлдай у 22 монографийы æмæ 8 ахуырадон-методикон фæрæзы автор.
Не мзæххон ахуыргонд Владислав Заалишвили сси Уæрæсейы сгуыхт æрхъуыдыгæнæджы кадджын номы аккаг. 63 æрхъуыдыдзинады – геофизикæйæ, хæхтæ иртасыны хъуыддаджы, геологийæ æмæ геоэкологийæ. Уымæй уæлдай у 22 монографийы æмæ 8 ахуырадон-методикон фæрæзы автор. Æрæджы йемæ фембæлд не сфæлдыстадон къорд. «Уæрæсейы сгуыхт æрхъуыдыгæнæг». Владимир Путины указ Владислав Заалишвили сæрыстырæй æвдисы интернетæй кæй сфæлхат кодта, уыцы бланок. Йæ ныхæстæм гæсгæ, йæ хæрзиуæг официалон æгъдауæй нæма райста, уымæ гæсгæ йæ æххæстæй уырнгæ дæр нæма кæны.
Æмæ куыд нæ?… 63 æрхъуыдыдзинады – геофизикæйæ, хæхтæ иртасыны хъуыддаджы, геологийæ æмæ геоэкологийæ. Уымæй уæлдай 22 монографийы, 8 ахуырадон-методикон фæрæзы. Наукон куысты фæлтæрддзинад – 50 азы. 2003-æм азæй фæстæмæ институты разамынд дæтты наукон процессæн, раст фæндагыл æвæры аспирантты. Владислав куыд зæгъы, афтæмæй æрыгон ахуыргæндтæй алкæмæдæр ис йæхи цæстæнгас, æмзонд æмæ æмдыхæй та къухы бафтдзæн ноджыдæр стырдæр æнтыстдзинæдтæ. Ахсджиаг у нырыккон аппаратурæйæ пайда кæнын дæр. Алыхуызон æрхъуыдыдзинæдтæ скæнынæн пайда сты, «зондджын машинæтæ» кæй хонынц, уыдон. Зæгъæм, мæнæ ацы аппарат. Станцæйæ пайда кæнынц донгуырæнтæй, æмæ сæ цы буаргъæдтæ ис, уыдон иртасыны.
Нырыккон механизмты æнæрлæугæ куыст. Семæ наукæйы къабазы рухс фидæн гом кæнын у æнцондæр æмæ цымыдисагдæр. Зæгъæм, хæхты лæбырдтытæ иртасыны. Пайда сæ кæнынц наукон æхсæнады сылгоймаг кусджытæ дæр.
Æдæрсгæйæ равзæрст фæндагыл цæуын, æмæ наукæйы бæрзæндтæм хизын æнцондæр у фæлтæрдджын разамонæджы æххуысæй. Владислав Заалишвили у уыцы ахуыргæндты æмрæнхъ. Йæ аспиранттæ куыд зæгъынц, афтæмæй йын ахуыр кæнынц йæхи дæнцæгтыл.
Йæ рæстæджы профессоры хуыдтой Америкæмæ. Фæлæ равзæрста Ирыстоны баззайын, æмæ ам йæ зонындзинæдтæ парахат кæнын.
