Ныртæккæ дзы цæуынц бындурон цалцæггæнæн куыстытæ
Ног ахуыры аз Мызуры ахуырдзаутæ сбæрæг кæндзысты ног цалцæггонд скъолайы. Ныртæккæ дзы цæуынц бындурон цалцæггæнæн куыстытæ. Бæстыхайæн ивынц йæ сæр, коммуникацитæ, зынгсирвæзты ныхмæ кусæнгæрзтæ. Кæнынц дзы аивгæнæн куыстытæ дæр. Уыимæ иууылдæр – меценаты фæрæзтæй. Чи у уыцы хæрзгæнæг, æмæ ма цавæр æххуыс бакæнынмæ хъавы, уый тыххæй радзурдзæн Фидараты Маринæ.
Советон Цæдисы хъæбатыр, тæхæг Хъантеты Мураты номхæссæг скъола йæ 100 азы юбилей бæрæг кæнынмæ хъавы тынг парахатæй. Нырма уал дзы бындуронæй цæуынц цалцæггæнæн куыстытæ. Уæвгæ ахуыргæнæдонæн бындур æврæд куы рцыд, уæдæй нырмæ дзы ахæм егъау куыстытæ никуы уыд. Скъолайы директор зæгъы, сæхи хъарутæй-иу бæстыхаймæ базылдысты, фæлæ йæ бындуронæй никуы сцалцæг кодтой. Ныртæккæ та дзы цæуынц бындурон цалцæггæнæн куыстытæ. Бæстыхайæн ивынц йæ сæр, коммуникацитæ, зынгсирвæзты ныхмæ кусæнгæрзтæ. Кæнынц дзы аивгæнæн куыстытæ дæр. Уыимæ иууылдæр – меценаты фæрæзтæй. Хæрзгæнæг йæхæдæг Цогойты Феликс æхсæвæй-бонæй ис объекты. Йæхæдæг æвæры бетон, уæзласæн машинæтæ дæр йæхæдæг равдæлон кæны. Уыимæ ма пъолæн йæхæдæг равзæрста нырыккон къæйдур.
Меценаты æххуысы фæрцы сæ къухы цы бафтыд, уый сæ уырнгæ дæр нæ кæны. Скъолайы цалцæг уыд не стырдæр бæллиц, зæгъы директор Калоты Ольгæ.
1-æгæм сентябры скъолайæн райдайдзæн ног цард. Суазæг кæндзæн 325 лæппуйы æмæ чызджы. Уыимæ канд Мызурæй нæ, фæлæ ма сыхаг хъæуты фæсивæды дæр. Ныр сын уыдзæн æппæт уавæртæ ног зонындзинæдтæм тырнынæн. Уымæн æмæ цалцæджы фæстæ ахуыргæнæндоны байгом уыдзæн уæлæмхасæн ахуырады нырыккон центр. Робототехникæ, нырыккон нымæцон лаборатори, шахматы клуб, стæй гуманитарон центр.
