филиал вгтрк государственная телерадиовещательная компания “Алания”

21:17 четверг, 28 марта 2024
11 сентября 2020, 12:32
Ног санитарон домæнтæ æххæст кæндзысты уæлдæр æмæ асæтуыккаг ахуыргæнæндæтты студенттæ дæр

Бацæуæны студенттæн сбарынц сæ буары тæвд æмæ сбæрæг кæнынц, маскæтæ сæм ис æви нæ, уый

Нырæй фæстæмæ ног санитарон домæнтæ æххæст кæндзысты нæ республикæйы уæлдæр æмæ асæтуыккаг ахуыргæнæндæтты студенттæ дæр.

Цæгат Ирыстоны паддзахадон университеты райдыдта ног ахуыры аз. Бацæуæны студенттæн сбарынц сæ буары тæвд æмæ сбæрæг кæнынц, маскæтæ сæм ис æви нæ, уый. Аудиториты ахуырдзаутæ кæрæдзимæ бадынц дæрддзæф — æххæст кæнынц социалон дистанци. Уыйимæ ма ахуыргæнæндоны æххæст кæнынц Уæрæсейы фæлхасадмæ цæстдарды амындзинæдтæ. Иудзырдæй, архайынц, цæмæй фæсивæды низæй бахъахъхъæной.

Фæсарæйнаг студенттæ æмæ сæ æнæниздзинад хъыгдард кæмæн у, уыцы ахуырдзаутæ зонындзинæдтæм æмхиц кæнынц дистанцион уагæй. Уыцы барæй спайда кæнын кæй фæнды, уыдоны хъæуы ныффыссын курдиат. Университеты сайты та ис сæрмагонд хайад. Уым дзуæппытæ дæттынц студентты фарстатæн. Уый хорз фæрæз у уæлдайдæр фыццæгæм курсы студенттæн.

Базарадон экономикон техникумы дæр афойнадыл батыхстысты студентты æдасдзинадыл. Цæмæй ахуырдзаутæ ма къордтæ кæной, уый тыххæй ахуырадон фæткы скодтой дыууæ сменæйы. Уыцы ивддзинæдты ахадындзинад фæсивæд æмбарынц æмæ семæ сты разы. Уæлдай цин та кæнынц, кæрæдзийыл кæдæй уæдæй кæй фембæлдысты, ууыл.

Антисептик æрмæст бацæуæны нæ дæттынц, фæлæ ма йæ парахатæй æвæрынц аудиториты. Цæмæй æдасдзинады  домæнтæ æнæкъулымпыйæ æххæст кæной, уымæ цæст дарынц медиктæ. Искæмæн йæ буары температурæ куы схизы, уæд æй æвæстиатæй арвитынц дохтыртæм.

Физкультурæ гæнæн æмæ амалæй уыдзæнис сыгъдæг уæлдæфы. Уæлдайдæр та цалынмæ хъарм бонтæ лæууы, уæдмæ — зæгъынц техникумы. Спорт æмæ витамин Д та ахъаз уыдзысты иммунитетæн.

vgtrk_alania
vgtrk_alania
vgtrk_alania
vgtrk_alania