филиал вгтрк государственная телерадиовещательная компания “Алания”

Нырыккон аивады Паддзахадон центры Цæгат Кавказы филиалы байгом равдыст «Одна на всех». Баст у Фыдыбæстæйы Стыр хæсты 75 азимæ. Экспозицимæ хæст æрцыдысты нырыккон уæрæсеаг нывгæнджыты хуызистытæ, нывтæ æмæ видеоæрмæджытæ. Йæ саразджыты ныхæстæм гæсгæ йæ сентябры фыццаг бонты хуымæтæджы нæ байгом кодтой. Уæд райдыдтой Беслæны трагедийы амæттæгты саударæн бонтæ. Æмæ баиу дыккæгæм дунеон хæсты куы фæци, уыцы бонимæ.  Проект «Одна на всех» иу кæны ацы бонтæ. Уымæн æмæ дзурæг у адæмы тыхстдзинадыл, сæ уды хъизæмæрттыл. Равдыст байгом кæныны кадджын мадзалы уыди «Беслæна мадæлты» комитеты сæрдар Дудиаты Сусаннæ дæр. Куыд загъта, афтæмæй экспозици йæ зæрдæмæ арф бахъардта. Равдыст фенæн ис 30-æм сентябрьмæ.