Сæрмагонд программæты фæрцы абон æнтыстджынæй кусынц хæххон территорты хæдзарæдтæ
Уæвгæ, паддзахадон гранттæй æххуыс тынг фæбæрæг республикæйы хæдзарæдты куыстыл. Сæрмагонд программæты фæрцы абон æнтыстджынæй кусынц хæххон территорты хæдзарæдтæ.
Англисаг æмæ Шотландиаг стурвос иттæг хорз сæхи æнкъарынц Хохы Карцайы уыгæрдæнтæ. Сæ цуры хизынц, бирæ æхсыр чи дæтты, ахæм швицаг æмæ францусаг хæрзмыггаг фос. Афæдзы размæ, 8 æрыгон фермеры баиу сты, бæстæйы фыццаг хæххон кооперацийы, цæмæй иумæ рæзын кæной фосдарынад. Фосы нымæц 600-йæ ахызти. Æвзæрстой сæ бынæттон уавæртæм гæсгæ. Æрæджы ма сæм фæзынди ноджыдæр 380, балхæдтой сæ грантты фæрæзтæй.
Дзебысаты Таймуразмæ егъау аграрон куыстуат саразыны фæнд рагæй уыди. Фæлтæрдджын фермер фосдарынады кусы 10 азы, уыимæ фæстаг æртæ азы хæхбæсты. Бантысти йын æмцæдисонтæ ссарын. Паддзахадон æххуысы механизмы фæрцы абон æнтыстджынæй архайынц хæххон территориты. Уыцы иу рæстæг аив кæнынц сæ алывæрстæ, аразынц фæндæгтæ, фидæны нысан кæнынц цæрæн бæстыхæйттæ аразын.
Уыналы кооперативы хыгъды ис æхсыры куыстгæнæн куыстуат. Йæ арæзтад райдыдта афæдзы размæ. Ныртæккæ йын монтаж кæнынц йæ кусæнгæрзтæ. Ныхас цæуы заводы сыгъдæггæнæнтæ æмæ газы хъуыддагыл. Уый тыххæй уал къуылымпыгонд цæуы архайд. Фæнд дзы кæнынц æрмæст æхсыр нæ, фæлæ цыхт, æхсырысæртæ æмæ мисын кæнын дæр. Ацы продукцийæн заказгæнæг дæр ныридæгæн ис. Инвестицион проект æххæстгонд цæуы хъæууон хæдзарады министрады гранты æххуысæй. Фермертæй хомаг æлхæндзысты хæстæг хъæутæй.
Уæллаг Ходы уыгæрдæнты та 150 сæры стурвос. Ардæм сæ æрбаластой сайы, паддзахадон программæ «Семейная ферма»- йы фæлгæты. Хæдзарады кусджытæн у 2-аг грант. Хæхбæсты хъæууон хæдзарады куыст кæнын æнцон хъуыддаг нæу. Фæлæ дзы ис йæхи хорздзинæдтæ дæр. Фидæнмæ фос фæфылдæр кæнынмæ хъавынц 4 сæды сæры онг. Сыхаг хохы фахсыл та арæзт цæуы ног бæстыхай, у 2 мины квадратон метры. Фысты куыст кæнын ам у эксперименты хуызы. Быдыры ацы хъуыддагæн фаг бынæттæ нæй. Хизæнуæттæ нæ фаг кæнынц. Хæхты та зæххытæ бирæ. Фæзуаты ацы уаццаг хуымæтæджы нæ равзæрста.
Проект æххæстгонд цæуы хи фæрæзтæй æмæ федералон грантты æххуысæй. Бакуыстой йыл хъæууон хæдзарады министрады специалисттæ. Абон нымад у, Цæгат Ирыстоны иунæг ахæм проектыл. 2025-æм азмæ республикæйы хъуамæ фысты нымæц бирæ фæфылдæр уа. Абон ис бирæ паддазахадон гæнæнтæ. Фермертæ активонæй пайда кæнын райдыдтой паддзахадон программæты гранттæй.
Хъæуты территориты райрæзты комплексон программæмæ хъæуы æркæсын. Ивддзинæдтæ дзы бахæссын хъæуы хæххон бынæтты къабазы. Фермертæ сæ тыхтæ баиу кодтой кооперацийы. Ахæм формæ ног гæнæнтæ байгом кæндзæн паддзахадон æххуысы структурæйы. Уый та ууыл дзурæг у, æмæ сæ бон уыдзæни рауагъдад фæпарахатдæр кæнын.
Хъæууон хæдзарады рæзт у фыццаградон нысантæй иу. Абон паддзахад дæтты алывæрсыг уавæртæ æмæ гæнæнтæ агропромышленнон къабазы рæзтæн. Фæлæ, сæйрагдæр у куыстуæтты разамонджытæн сæхи фæндон. Специалисттæ цæттæ сты аграритæн æмæ фермертæн алы къæпхæнты æххуыс кæнынмæ.
