филиал вгтрк государственная телерадиовещательная компания “Алания”

01:18 четверг, 29 октября 2020
23 июня 2020, 17:11
126
Пандемийæйы рæстæг Паддзахадон къазна кусы куыд æрвылбоны фæткмæ гæсгæ, афтæ дæрддзæфмæ дæр

Пандемийæйы рæстæг Паддзахадон къазна кусы куыд æрвылбоны фæткмæ гæсгæ, афтæ дæрддзæфмæ дæр. Уымæй уæлдай ма сæ бахъуыд сæ архайд фæхъомысджындæр кæнын. COVID-19 ныхмæ федералон къазнайæ цы фæрæзтæ æрбацыд, уыдон афойнадыл кæмæ мбæлы, уыцы организацитæм хæццæгонд æрцыдысты нæ республикæйы къазнайы арæхстджын куысты фæрцы.

Ацы æвирхъау низы ныхмæ хæцыны рæстæг нæ рæпубликæйы паддзахадон къазна иу уысм дæр йæ куыстæй не’рлæууыд. Кусджытæ сæ хæстæ æххæст кодтой куыд, ног уагмæ гæсгæ, сæ хæдзæртты уæвгæйæ, афтæ куысты бынæтты дæр. Æнæмæнгæй бафиппайын хъæуы, рæстæджы æнахуырдзинан хынцгæйæ, куыстуат йæ архайд кæй фæцырддæр кодта, уый.

Ковиды ныхмæ тохы амæлттæ арынæн федералон бюджетæй радих кодтой 490 милуан сомæй фылдæр. Уыдонæй 303 æмæ æрдæг милуаны нысангонд æрцыдысты  – медицинон кусджыты разæнгардгæнæн фиддонтæн, 190 милуан сомы та — медицинон куыстуæттæ ифтонг кæнынæн. Паддзахадон къазнайы æмæ дæлбар хайæдты кусджыты зæрдиаг архайды фæрцы æхцайы фæрæзтæ афойнадыл бынатмæ фæхæццæ сты.

Паддзахадыкуысты сæйрагдæр хæс — национ пректтæ æххæст кæнын. Ивгъуыд азы кæрон Уæрæсейы Федерацийы разамынды уынаффæйы æмбырды бафиппайдтой афæдзы кæронбæттæны  æнæзæрдæмæдзæугæ æвдисæнтæ. Иумæйаг æхцайы фæрæзтæй, 148 милуан сомы нысанмæ гæсгæ харзгонд не рцыдысты. Уымæ гæсгæ æфтыд æрцыдысты 2020 – æм азы бюджетыл. Ныридæгæн хъуыддаг цас рæстмæ уыдзæн, уымæ лæмбынæг цæст дардзæн паддзахадон къазна.

Регионалон проектон куыстуæтты æмæ паддзахадон къазнайы бынæттон  управлениты иумæйаг куысты ахсджиагдæр хæс у алывæрсыг национ проекттæ царды уадзын. Къазнайы кусджытæ  лæмбынæг цæст дарынц иумæйаг национ программæйы бындурон арæзтады объектты куысты хæрзхъæддзинадмæ.

Национ проектты аккаг хорз æххæст кæнынæн республикæйы арæзт æрцыд сæрмагонд оперативон штаб. Кусдзæн дзы паддзахадон къазнайы управленийы разамонæг дæр. 2020 азы Цæгат Ирыстоны бюджет хъуамæ харзгонд æрцæуа фараст æмæ æрдæг милуан сомы.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: