Салонты дезинфекци кæныны фарстамæ та кæсынц профилон ведомствæты специалисттимæ иумæ
Пандемийæйы рæстæг регионы эпидемиологон уавæр бирæ куыстуæттыл хорзырдæм нæ фæзынди. Цардархайды къабæзтæн фæкъуылымпы се рвылбоны фæтк. Фæлæ уый зæгъæн нæй такситы фирмæйы куыстæй. Фыццаджыдæр бацархайдтой, цæмæй тарифтæ баззайой раздæры хуызы. Салонты дезинфекци кæныны фарстамæ та кæсынц профилон ведомствæты специалисттимæ иумæ.
Ацы такситы компани салонтæ дезинфекци кæнын райдыдта фыццæгæй иу. Ис дзы административон штаб æмæ пандемийæйы уавæрты йæ цæст дары шофырты куыстмæ. Сменæмæ дзы рацæуы 200 машинæмæ хæстæг.
Такситы компаниимæ æмгуыстад кæнынц фæлхасадмæ цæстдарды управленийы æмæ транспорты министрады специалисттæ. Сæ куысты фæтк у бæлвырд, æмæ йæ сæйраг нысан у регионы эпидемиологон уавæры адæмы æдасдзинадыл кусын. Домæнтæ æххæст кæнын у æнæмæнг, уымæн æмæ уымæй аразгæ у фыццаджыдæр шофыртæн сæхи æдасдзинад.
Ацы онлайн таксийы хи изоляцийы фæткы уыдысты бирæ шофыртæ. Хæдзары бадын бафæндыди сæхи. Йæ куыст чи нæ ныууагъта, уыдон та æххæст кодтой инфекцийы ныхмæ домæнтæ.
3 мæйы ахæм куыст æнæрлæугæйæ æххæст кæнынц промышленносты æмæ транспорты министрады куысджытæ. Фæлхасадмæ цæстдарды управленийы специалисттæ та зæрдыл лæууын кæнынц хи хъахъхъæнæн фæрæзтæй ифтонг кæныны мадзæлттæ. Ацы хъуыддаджы цыбыр рæстæгмæ ис хорзырдæм ивддзинæдтæ.
Такситы фирмæйы куыст пандемийæйы рæстæг тарифтыл нæ фæзынди. Компанитæ бацархайдтой æргътæ ма фæуæлдæр кæныныл. Кæд æмæ æдасдзинады фæрæзтыл сæхæдæг хардз кодтой, уæддæр.
