филиал вгтрк государственная телерадиовещательная компания “Алания”

01:29 воскресенье, 29 ноября 2020
27 октября 2020, 13:46
32
Павлодольскæйы станицæйы хъæппæрисджын фæсивæд меценаттимæ сфæнд кодтой æвзонг спортсментæн баххуыс кæнын

Мæздæджы районы фæсивæд канд профессионалон зонындзинæдтæ райсынмæ нæ бæллынц, фæлæ ма тырнынц стыр уæлахизтæм дæр. Павлодольскæйы станицæйы хъæппæрисджын фæсивæд меценаттимæ сфæнд кодтой æвзонг спортсментæн баххуыс кæнын. Аразынц сын спортивон зал. Куыд нысан кæнынц, афтæмæй дзы фадат уыдзæн  цалдæр секцийы архайынæн. Рæзгæ фæлтæр сæм цæудзысты лæвар. Бæлвырддæр радзурдзæн Касаты Наирæ.

Алы бон дæр фæскуыст фембæлынц ацы ран, районы фæлхасадон æхсæнады раздæры дуканийы бæстыхайы цур. Æрыгон хъазахъхъæгтæ лæвар аразынц спортивон зал. Сбæлвырд ын кодтой, мидæгæй куыд арæзт уыдзæни, уый, æрæхгæдтой бæстыхайы сæр, къултæ байсæрстой, ныртæккæ та ныхас цæуы электрон тыхы системæйы фарстайыл.

Ныр станицæйы сывæллæттæн æмæ фæсивæдæн ис сæхи командæ. Тренировкæтæ кæнынц æмбæлгæ æмвæзадыл.

Спорты бæрзæндæм схизынмæ фæсивæд тырнынц разæнгардæй. Æххуыс сын кæнынц сæ ныййарджытæ дæр. Павлодольскæйы цæрджытæн ис, цы хъуыды кæной, уый.

Спорт парахат кæнын станицæйы у фыццаградон хъуыддæгтæй иу. Хъæппæрисджын адæмæн æххуыс кæнынц бынæттон администраци æмæ меценаттæ.

Дыууæ азы фæстæ та станицæйы нысан кæнынц стыр спортивон комплекс саразын. Фæлæ стыр уæлахизтæн,  фидæны чемпионтæ ныридæгæн  сæвæрдтой бындур

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: