Сæ иумæйаг фæзуат 1200 квадратон метры кæмæн у, уыдон æрбынат кодтой Арæзтадон техникумы корпустæй иуы.
Профессионалон цæттæдзинады Центр кæм уыдзæн, уыцы бæстыхайы бындурон цалцæг бацыд йæ тæмæны. Сæ иумæйаг фæзуат 1200 квадратон метры кæмæн у, уыдон æрбынат кодтой Арæзтадон техникумы корпустæй иуы. Ныридæгæн дæр дзы стыр куыст бакодтой. Подрядон организаци æххæстæй баивта бæстыхайы сæр, цæуынц ма дзы аивгæнæн куыстытæ. Проект у федералон, æмæ йын разамынд дæтты Уæрæсейы президенты администраци. Ныртæккæ Уæрæсейы ис 11 ахæм центры. Сæ иу уыдзæн Цæгат Ирыстоны. Фыццаг проект хъуамæ суа иунæг Цæгат Кавказы æмæ ма суанг Хуссар Федералон зылды дæр. Йæ сæйраг нысан у – специалистты цæттæ кæнын алыхуызон компетенцитæм гæсгæ, цæмæй фæллойы базарады сæхицæн куысты бынæттæ ссарой, уый тыххæй. Центры арæзт цæудзысты лекцитæ æмæ профориентацион куыст. Пайда кæндзысты нырыккон нымæцон аппаратурæйæ, суанг ма виртуалон æцæгдзинад æвдисæг кусæнгæрзтæй дæр. Цалцæггæнæн куыстытæ хъуамæ фæуой хæстæгдæр рæстæг.
