филиал вгтрк государственная телерадиовещательная компания “Алания”

03:15 четверг, 29 октября 2020
30 сентября 2020, 14:35
75
Рахизфарсы районы кæронмæ фæхæццæ кæны сыгъдæггæнæн системæйы рацарæзт

Хъуыддаг рахызт ног æмвæзадмæ. Рахизфарсы районы кæронмæ фæхæццæ кæны сыгъдæггæнæн системæйы рацарæзт. Ахæм фадат сын фæцис Беслæны райрæзты генералон пълан æххæст кæнгæйæ. Ныр, 3 мин квадратон метры фæзуатыл фæзынди нырыккон аэрацион станцæ.

Бетон къулты мидæг ныртæккæ цæуы ахсджиаг технологон процесс. Резервуары къултæ сахуырстой сæрмагонд фæрæзæй, уый фæрцы фæдæргъвæтиндæр уыдзæнис сæ эксплуатацийы мгъуыд.

Йæ фæзуат у æртæ мин квадратон метры. Фæлæ рацарæзт æрмæст резервуартыл нæ аххæссыд. Сцалцæг кодтой системæйы иннæ хæйттæ дæр. Ног станцæйы фæрцы дон æфсаддзысты туаггуырæй. Уый та хъæуы, дон чи сыгъдæг кæндзæн, уыцы бактеритæн. Беслæны кусдзæн къæпхæнгай сыгъдæггæнæн системæ. Ныридæгæн уал дзы сæвæрдтой уæрæсейаг æмæ европæйаг раззагдæр техникæ. Уый фæрцы дон сыгъдæггонд цæудзæнис дунеон стандарттæм гæсгæ. Дон афтæ сыгъдæг кæнынц æрмæстдæр нæ бæстæйы егъау горæтты — зæгъынц специалистæ. Зондджын аппараттæ чъизитæ сыгъдæггæнгæйæ сæ дих кæнынц алыхуызон буаргъæдтыл. Уый фæрцы сæ уыдзæнис спайда кæнын промышленнон нысанты.

Ацы цаумæ районы цæрджытæ рагæй æнхъæлмæ кастысты — зæгъынц администрацийы. Хъуыддаг сæ къухы бафтыд, Беслæны райрæзты генералон пълан сæххæст кæнынмæ æхца куы радих кодтой æмæ йæ æххæст кæнын куы райдыдтой, уый фæрцы. Æхцатæ радих кодтой федералон бюджетæй.

Куыстытæ кæронмæ æрхæццæ сты. Ныртæккæ та архайынц ифтонггарз æркусын кæныныл. Системæ хъуамæ æркуса ацы азы кæронмæ.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: