филиал вгтрк государственная телерадиовещательная компания “Алания”

05:28 пятница, 29 марта 2024
16 марта 2020, 12:27
Регионалон инвестицион программæ æххæстгæнгæйæ, республикæйы кусын райдыдта кооператив

Йæ бæрны сты Горæтгæрон æмæ Мæздæджы районты куыстуæттæ

Регионалон инвестицион программæ æххæстгæнгæйæ, республикæйы кусын райдыдта кооператив. Йæ бæрны сты Горæтгæрон æмæ Мæздæджы районты куыстуæттæ. Баиу кæндзæн хойраджы промышленносты алывæрсыг куыстуæттæ. Хъæууон хæдзарады министрады эксперттæ бабæрæг кодтой поселок Ир. Æркастысты, инвестицион программæмæ хаст чи рцыди, уыцы куыстуæттæй иуы архайдмæ. Касаты Наирæ радзурдзæн бæлвырддæр.

Суткæмæ 5 тоннæйы фылдæр дзидза. Ахæм нысантæ сæ размæ вæрынц кооператив Агро-Югы специалисттæ сæ куысты фыццаг рæстæг. Дзидзайы æппæт продукцийы хуызтæ кæнынц иу бæстыхайы. Суанг сæ къоппыты дæр нывæрынц ам. Æмæ æрмæст уый нæ.

Куыстуат йæ тыхтæ хъавы фæфылдæр кæнынмæ. Уымæ гæсгæ, дзы фæзындзæни уæлæмхасæн 40 куысты бынаты. Ахæм фадæттæ сын фæзынди инвестицион проекты фæрцы. Агро-Юг дæр арæзт æрцыди уый бындурыл. Баиу кодта æхсыр æмæ дзидзайы куыст чи кæны, ахæм 10 компанийы.

Проекты дыккаг хай царды рацæудзæн Мæздæджы районы. Уый та фылдæр арæзт уыдзæни æхсыры продукци парахат кæнынмæ. Уымæй уæлдай дзы фæнд кæнынц куысты бынæттæ фæфылдæр кæнын дæр.

vgtrk_alania
vgtrk_alania
vgtrk_alania
vgtrk_alania