Теракты фæстæ Цæгат Ирыстоны сæргълæууæг Мамсыраты Таймуразы разамындæй арæзт æрцыд æдасдзинадхъахъæнынады советы æвæстиаты æмбырд.
Теракты фæстæ Цæгат Ирыстоны сæргълæууæг
Мамсыраты Таймуразы разамындæй арæзт æрцыд æдасдзинадхъахъæнынады
советы æвæстиаты æмбырд.
Куыд
загъта, афтæмæй республикæйы цæттæ кодтой стыр теракт, сабырдзинад
фехалыны нысанимæ. Мамсыраты Таймураз бахæс кодта, цæмæй
хъыгдардбаййафджытæн скæной алывæрсыг æххуыс. Æнæниздзинадхъахъхъæнынады
министр Владимир Селиванов радзырдта, теракты чи бахауд, уыдоны уавæры
тыххæй. Фæллойы æмæ социалон рæзты министрæн Мамсыраты Таймураз хæс
радта, хъæугæ гæххæттытæ бацæттæ кæнын æмæ материалон æххуыс бакæнынæн.
Чи фæмард, уыцы пъæлицæйаг Джыбылаты Зауры бинонтæн радтын 5 сæдæ мин
сомы. Цæфтæ чи фæци, уыдонæн та сæдæ æмæ фæндзай мин сомтæ. Цæгат
Ирыстоны сæргълæууæг бадомдта, чи ныппырх уыцы пост ногæй саразын, стæй
республикæйы базарты, æнæниздзинады æмæ ахуырадон объекттæ æдасдзинады
мадзæлттæй сифтонг кæнын.
