филиал вгтрк государственная телерадиовещательная компания “Алания”

01:32 пятница, 29 марта 2024
28 мая 2020, 16:20
Республикæйы æрдзы æвæрæнты æмæ экологийы министр Мамиаты Черменыл сарæзтой уголовон хъуыддаг

Аххосджын æй кæнынц, йæ куысты бартæй пайда кæнгæйæ, бюджетæн зиан кæй æрхаста, уымæй

Республикæйы æрдзы æвæрæнты æмæ экологийы министр Мамиаты Черменыл сарæзтой уголовон хъуыддаг. Аххосджын æй кæнынц, йæ куысты бартæй пайда кæнгæйæ, бюджетæн зиан кæй æрхаста, уымæй. Уæрæсейы генералон прокуратурæ куыд хъусын кæны, афтæмæй фарон майы, регионалон министрад æмæ коммерцион организацийы хсæн сфидар кодтой паддзахадон контракт, Уыналы донмарæн банывыл кæныны тыххæй. Контракты аргъ уыдис цыппарсæдæ æхсæз милуан сомы.

Радих сæ кодтой национ проект «Экологи»-йы фæрцы. Прокуратурæ куыд сбæрæг кодта, афтæмæй тæссаг хауæддзæгтæ цы подрядон организаци æфснайдта, уымæ нæ уыдис ахæм куыстытæ кæныны лицензи. Уыимæ проектон сметон декларацийы экспертизæ сарæзта, хъæугæ бартæ кæмæ нæ уыдис, ахæм организаци. Контракты цы куыстытæ уыдис, уыдон æхæстгонд не рцыдысты, уый зонгæйæ, министр бафыста, фиддонтæ цы документтæм гæсгæ скодтой, уыдон.

Уымæй республикæйы бюджетæн æрхаста зиан 406 милуан сомы. Ныртæккæ Ленины районы тæрхондоны уынаффæмæ гæсгæ Мамиаты Чермен у ахст 27 июльмæ. Уголовон хъуыддаг куыд æвзæрст цæудзæн, уымæ уыдзæнис бæстон цæстдард.

vgtrk_alania
vgtrk_alania
vgtrk_alania
vgtrk_alania