Ацы къабаз кæны æнæмæнг хъæугæ продукцийы куыст
Республикæйы агропромышленнон комплекс пандемияйы рæстæг йæ тыхтæ нæ фæкъаддæр кодта. Ацы къабаз кæны æнæмæнг хъæугæ продукцийы куыст. Сæрмагонд фæткмæ гæсгæ архайынц фосдарæн хæдзарады специалисттæ. Продукци зианхæссæг буаргъæдтæй бахъахъхъæныны тыххæй заводты æмæ фермæты фæкарздæр кодтой санитарон домæнтæ. Фæлæ проукцийы аргъ у раздæрау. Куыстуæттæй иу бабæрæг кодта не сфæлдыстадон къорд дæр.
Фидæнмæ стыр нысантæ æмæ 20 азы фæлтæрддзинад. Ахæм у æхсыры продукци уадзыны куыстуаты хъомыс. Ам фылдæр æргом здæхт цæуы хæрзмыггаг стурвосы куыст кæнынмæ. Ис сæм мин æмæ 5 сæдæ сæрæй фылдæр. Монбильярд фосы хуыз 2007-æм азы æрбаластой Францийæ. Ацы хæрзмыггаг фос мах климæты йæхи æнкъары тынг хорз. Сæ уæзыл бафты тагъд, се хсыр та нымад у адæймаджы æнæниздзинадæн тынг пайдайыл. Хорз у цыхт кæнынæн дæр. Куыстуаты кæнынц холлæгты куыст дæр. Уæвгæ сын ацы хъуыддагимæ уыди къуылымпыдзинæдтæ. Пандемийæйы уавæрты гæнæн уыдис æмæ фос баззадаиккой æнæ холлæгтæй. Фæлæ фарста алыг кæнын сæ къухы бафтыди афоныл.
Ацы цехы уадзынц продукцийы 30 хуызæй фылдæр. Ныртæккæ специалисттæ кæнынц цыхты куыст.
Продукцийы иу хай æрвыст æрцæудзæни Алагиры районы фæкæсынхъуаг бинонтæм æмæ рынчындæттæм. Куыстуаты разамынды ныхæстæм гæсгæ, ацы хъуыддаджы пандемийæйы фсон кæнæн нæй. Гæнæн æмæ амалæй хъуамæ адæмæн æххуыс кæной. Компани æргътæ нæ уæлдæр кæны. Архайынц республикæ хæрзхъæд продукцийæ ифтонг кæныныл. Уæлдайдæр та ныртæккæ.
Компани йæ размæ вæры бирæ хæстæ æмæ нысантæ. Зæгъæм, регионты хсæн базарадмæ рацæуын. Фæлæ ныртæккæйы уавæр хынцгæйæ, ацы хъуыддаг аргъæвтой фæстæдæрмæ.
