Конд у республикæйы парламенты депутатты, æххæстгæнæг хицаудзинады, бынæттон администрацийы кусджытæ æмæ æхсæнадон организациты уæнгтæй
Республикæйы диспансеризаци куыд цæуы, уымæ сæ цæст дардзысты сæрмагонд къамисы уæнгтæ. Конд у республикæйы парламенты депутатты, æххæстгæнæг хицаудзинады, бынæттон администрацийы кусджытæ æмæ æхсæнадон организациты уæнгтæй. Ацы фарстайыл ныхас цыд Проектон офисы радон æмбырды, разамынд йын лæвæрдта Битарты Вячеслав. Республикæйы сæргълæууæг куыд фæнысан кодта, афтæмæй спайда кæнын хъæуы æппæт уæлæмхасæн фæрæзтæй дæр, цæмæй куыд гæнæн ис, афтæ фылдæр адæм ацæуой медицинон æркаст. Битарты Вячеславы хæслæвæрдмæ гæсгæ, сæрмагонд къордтæ цæудзысты промышленнон куыстуæттæм, æмæ бынаты кæндзысты диспансеризаци. Афтæмæй, адæмæн фадат уыдзæни се нæниздзинад сбæрæг кæнынæн, стæй куыст ма бауромынæн дæр.Хостæ цы кæрдæджытæй кæнынц, уыдон æмбырд кæнын, æмæ сæ кусыны хъуыддаг хаст æрцæудзæни хæххон территориты райрæзты программæмæ. Ууыл дæр æрдзырдтой Проектон офисы. Кæронбæттæн продуктæй пайда кæнæн уыдзæни алы къабæзты. Ацы хъуыддаг хорзырдæм фæзындзæни регионмæ туристты æргом здахыны хъуыддагыл дæр.
