Депутатты фылдæр хай закъоны проекты фарс рахæцыдысты фыццаг бакасты
Иннæ аз республикæйы, гæнæн ис, æмæ фæзындзæн нымæцон экономикæйы барадон бындур сбæлвырд кæнынæн фыццаг регионалон закъоны проект. Депутатты фылдæр хай закъоны проекты фарс рахæцыдысты фыццаг бакасты. Проект фадат ратдзæни, республикæйы нымæцон экономикæйы гæнæнтæй ахадгæйæ спайда кæнынæн æмæ национ проект «Нымæцон экономикæ»-йы архайынæн. Парламенты ацы азы фæстаг æмбырды ныхас цыди 2020-æм азы бюджетыл дæр, стæй бахыгътой ацы азы куысты хатдзæгтæ. 2019-æм азы 11 мæйы бюджеты æфтиæгтæ фæфылдæр сты 32 миллиард сомы. Иннæ азы бюджеты æфтиæгтæ та фаронимæ абаргæйæ хъуамæ фылдæр уой 12 милуан сомы. Республикæйы паддзахадон хæс 1-æм декабрмæ уыди 8 миллиард сомы, уый фаронимæ абаргæйæ у, 4,5% къаддæр.
