филиал вгтрк государственная телерадиовещательная компания “Алания”

Республикæйы хицауады уæнгтæ сæ архайдæн скодтой хатдзæгтæ. Æргом дзы аздæхтой бюджетмæ дæр. Тускъаты Таймураз бахæс кодта, цæмæй ацы фарстайы  фылдæр æргом здæхт цæуа  æфтиагмæ, хæрдзты статья та ахадгæ куыд уа. Æмбырды ма фехъусын кодтой хицауады уæнгты ног куысджыты тыххæй. Афтæ, экономикæйы министры хæдивæгæй нысангонд æрцыд Кочиты Сослан, куыстдæттыны комитеты сæрдары хæдивæгæй та Цæллагты Марат. Æрдзырдтой ма Фыдыбæстæйы Стыр  хæсты ветеранты царды уавæртæ фæхуыздæр кæныны фарстатыл. Хæсты цæхæр чи бавзæрста, уыдонæй ацы аз 34 бинонтæ райсдзысты субсидитæ хæдзар самал кæнынæн. Сæ иумæйаг аргъ у 42 милуаны 557 мин сомы, загъта арæзтады æмæ архитектурæйы министр Касаты Таймураз. Æмбырды ма ныхас цыд, зондахастыл æвæзрырдæм чи ахады, ахæм хостыл. Сæйраг нысан у наркотикты ныхмæ арæзт программæ дарддæр дæр куыд куса, уый.