Проекты мидис у уый, цæмæй хи хъармгæнæн системæмæ чи рахызти, уыцы адæмы бирæфатерон иумæйаг нымайæнты фиддонтæй суæгъд кæной.
Республикæйы Парламенты уæнгтæ рахæцыдысты, хъармæй ифтонг кæныны тыххæй федералон хъæппæрисы фарс.
Проекты мидис у уый, цæмæй хи хъармгæнæн системæмæ чи рахызти, уыцы адæмы бирæфатерон иумæйаг нымайæнты фиддонтæй суæгъд кæной. Нырмæ ацы категорийы цæрджытæ фыстой сæхи системæйæн, стæй иумæйаг лæггæдтæн. Афтæмæй сын-иу рауади дыууæ хатты бафидын.
Республикæйы Парламенты сæрдар Алексей Мачневы ныхæстæм гæсгæ, проектыл нырма хъæуы бæстондæрæй бакусын. Депутаттæ ма æркастысты æндæр фарстатæм дæр. Зæгъæм, разы не сты, сæ федералон æмкусджыты хъуыдыимæ. Уыдон бахастой хи транспорты техникон æнæмæнг æркаст аивыны фæндон. Ирыстойнаг депутатты хъуыдымæ гæсгæ, уыцы ногдзинады фæстæ фæфылдæр уыдзысты фæндаггон фыдбылызтæ.
