Ацы киноныв равдыстой Уæрæсейы 30 горæты
Республикæйы скъоладзаутæ бакастысты æфсæддон-историон драмæ «Коридор бессмертия»-мæ. Федор Попов дзы æвдисы Фыдыбæстæйы Стыр хæсты, Ленинграды блокадæ куы уыд, уæд цы æфсæнвæндаг сарæзтой, уый тыххæй историон цаутæ. Ацы киноныв равдыстой Уæрæсейы 30 горæты. «Коридор бессмертия» æвдисы, Ленинград цардимæ цы фæндаг баста, уый сусæг арæзтад. Афæдзы дæргъы дзы цæгатаг горæтмæ ластой хойраг æмæ хæцæнгарз. Уый фæрцы фæзындысты тыхтæ Ленинград суагъд кæнынæн. Æфсæнвæндаг та арæзт цыд зын, цардæн тæссаг уавæрты. Æхстытæ цыдысты алы рдыгæй. Фæлæ иузæрдиондзинады фæрцы сæ къуыхы бафтыд. Республикæйы сывæллæттæн киноныв равдисыны хъæппæрис сывзæрд сфæлдыстадон студи «Стелла»-мæ. Ахуырады министрады сæйраг специалист Хайманты Барисы хъуыдымæ гæсгæ ахæм акцитæ сывæллæттæм канд уарзондзинад райгуырæн бæстæмæ нæ гуырын кæнынц, фæлæ ма сæ зонгæ кæнынц Фыдыбæстæйы Стыр хæсты хицæн вазыгджын цаутимæ.
