Ацы аз дипломтæ æмæ кубоктæй хорзæхгонд æрцыдысты республикæйы 40 минæвары.
Хæст сывæллæтты цæстытæй. Республикæйы сывæллæтты сфæлдыстады центры бахыгътой æрвылазон конкурс «Я расскажу вам о войне»-йы хатдзæгтæ. Арæзт цæуы, Фыдыбæстæ хъахъхъæнджытæй чи фæмарди, уыдоны бинонты æхсæнадон организацийы сæрдар Татьяна Днепровскаяйы хъæппæрисæй. Ацы аз дипломтæ æмæ кубоктæй хорзæхгонд æрцыдысты республикæйы 40 минæвары. Конкурсы партнертæй дзы уыдис сæрмагонд призтæ дæр. Ацы хъуыддагмæ се вæрæн бахастой 58-æм æфсад, «Уæрæсейы сылгоймæгты змæлд», парти «Иугонд Уæрæсе», стæй фæсивæдон политикæ, физкультурæ æмæ спорты комитет. Конкурс баст уыди Стыр Уæлахизы 75 азимæ. Пандемийæйы тыххæй уæлахиздзаутæ хорзæхгонд æрцыдысты нырма ныр. Кады гæххæттытæ радтой æрыгон нывгæнджыты разамонджытæн дæр. Ацы аз æрбарвыстой 3 сæдæ куыстæй фылдæр. Хуыздæртæ дзы равзæрстой профессионалон нывгæнджытæ. Конкурсанттæ куыд зæгъынц, афтæмæй алы куыстыл дæр бакуыстой зæрдиагæй, сæйрагдæр та уый, æмæ хæсты хъайтарты тыххæй базыдтой ногдзинæдтæ. Рæзгæ фæлтæрæй бирæтæ конкурсмæ бацæттæ кодтой сæхи фыст æмдзæвгæтæ.
