филиал вгтрк государственная телерадиовещательная компания “Алания”

01:50 четверг, 29 октября 2020
27 августа 2020, 12:17
53
Республикæйы тагъд царды рацæудзæн проект «Экономикон райрæзтæн ахъаз фæзуæттæ»

Республикæйы тагъд царды рацæудзæн проект «Экономикон райрæзтæн ахъаз фæзуæттæ». Ныртæккæ кусынц сæрмагонд барадон документыл, кæцы бæрæг кæндзæн сæ архайд. Республикæйы сæргълæууæг Битарты Вячеславæн  æвдыст æрцыд ахæм территоритæ аразыны æмæ кунæг кæныны проекты уагæвæрд. Экономикон райрæзты министры хæдивæг фæнысан кодта сæйраг фарстатæ. Зæгъæм,  проект кæм æххæстгонд цæудзæн, уыцы муниципалитетты разамынды æмæ профилон министрадты ахастдзинæдтæ. Сбæрæг кодтой экономикон райрæзты ахсджиаг фарстатæ æмæ сæ ахадындзинад. Загъд уыд проекты архайыны бар кæмæн ис, уыдоны тыххæй, зæгъæм бизнесы фыццаг къахдзæфтæ чи кæны. Ам фарстатæ сæвзæрд фембæлды архайджытæм. Æмæ амалхъом адæмы бартæ хъахъхъæнæг Медойты Тимур бахаста фæндон, цæмæй проект арæзт цæуа бизнесменты хъуыдытæ хынцгæйæ.

Ацы хъæппæрисы фарс рахæцыд Битарты Вячеслав. Æмæ бабар кодта проекты фæдыл æрныхас кæнын бизнес æхсæнады уæнгтимæ. Сбæрæг кодтой фæлварæнты фæзуæттæ, уыдон сты  Æрæфы æмæ Алагиры районтæ. Ам куыст цæудзæн промышленносты, туризмы æмæ хъæууон хæдзарадыл. Программæйы чи архайы, уыцы амалхъом адæмы суæгъд кæндзысты иуæй-иу хъалонтæй, стæй сын уыдзæн субсидитæ. Республикæйы сæргълæууæг загъта, проекты архайджытæн кæй хъæуы иухуызон уавæртæ саразын. Стæй экономикон райрæзты проектмæ бахæссын  æфтиаг хæссæг ног  куыстуæттæ. Республикæйы сæргълæууæг ма бабар  кодта, цæмæй рæстæг фæстауæрц кæной æмæ  Проектон офисы хæстæгдæр æмбырдмæ бацæттæ кæной дзуæппытæ.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: