филиал вгтрк государственная телерадиовещательная компания “Алания”

02:38 четверг, 29 октября 2020
27 мая 2020, 16:35
99
Сæ профессионалон бон бæрæг кæныц Уæрæсейы библиотекæты кусджытæ

Абон сæ профессионалон бон бæрæг кæныц Уæрæсейы библиотекæты кусджытæ. Ацы бон баст у историон цауимæ, 1795-æм азы нæ бæстæйы фæзынд фыццаг æхсæнадон библиотекæ. Паддзахадон æмвæзадыл та бæрæгбон æххæст кæнын райдыдтой 1995-æм азы, Уæрæсейы Президенты Указмæ гæсгæ. Зæгъдзыстæм уый дæр, æмæ библиотекæтæ æнтыстджынæй кусынц Цæгат Ирыстоны дæр.

Дзæуджыхъæуы фыццаг библиотекæ фæзынд 19 æнусы кæрон…Уыцы рæстæг Дзæуджыхъæуы фидæрæн лæвæрд æрцыд горæты ном. Горæты райрæзтимæ  ардæм Уæрæсейæ тырныдтой бирæ адæм, уыимæ ма ууыл тынг сахадыдта хъуытгонд зæлдаг фæндаг дæр. Дзæуджыхъæуы  фæзындысты   бирæ ног хæдзæрттæ, промышленнон æмæ базарадон куыстуæттæ,  ахуырады бæстыхæйттæ. 

Уый ма баст уыд, уыимæ дæр, адæм се ргом здæхтой æмæ тырныдтой ахуырадмæ.  Мыхуыры фæзындысты газет «Терские ведомости», «Терк» æмæ «Терский вестник». Абон Коцойы фырты ном цы уынг хæссы, уый уыцы рæстæг хаста Михайловскийы ном. Ам Варвара Шредерсы руаджы æмæ хъæпæрисæй байгом хсæнадон библиотекæ. Йæ чингуыты нымæц  уыцы рæстæг 50-дæр нæ уыдысты. 

Ацы библиотекæимæ баст сты Дзæуджыхъæуы бирæ  зындгонд адæмы нæмттæ, уыдонимæ  Хетæгкаты Къостайы æмæ Сергей Кировы.

Ам ма зæгъын хъæуы уый, æмæ библиотекæты кусыны бар уыди, æрмæстдæр уæлдæр ахуырад чи райста, уыдонæн.

Ам  арæзт цыдысты аивадон изæртæ дæр. Изæрты æнтысджынæй архайдтой горæты бонджындæр адæм. Уыдоны æнтыстджын хæрзаудæн архайды руаджы –иу библиотекæмæ æлхæд æрцыдысты ног чингуытæ. Рæстæг куыд цыд, афтæ  библиотекæ хъуыстгонгдæй-хъуыстгонддæр кодта æрмæст горæты цæрджыты хсæн нæ, фæлæ Терчы облæсты цæрджыты хсæн.

Революцийы фæстæ азты – Советон дуджы библиотекæтæ арæзт цыдысты нæ республикæйы алы районты. Адæм сæм тырныдтой фылдæрæй –фылдæр. Фæзынд дзы чиныгкæсæн залтæ.

Æмæ кæд уæдæй абонмæ дзæвгар рæстæг рацыд, сæйраг у иу — адæмы чиныг кæсынмæ тырнындзинад къæддæр нæ фæци.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: