Форумы агъоммæ не мзæххонтæ дидинджытæ сæвæрдтой, Беслæны теракты амæттæгтæн цæгатаг сæйраг горæты цы цыртдзæвæн ис, уым.
Санкт-Петербурджы экономикон форумы архайы Цæгат Ирыстоны делегаци, сæ сæргъы Битарты Вячеслав, афтæмæй. Форумы агъоммæ не мзæххонтæ дидинджытæ сæвæрдтой, Беслæны теракты амæттæгтæн цæгатаг сæйраг горæты цы цыртдзæвæн ис, уым. Уый фæстæ Битарты Вячеславæн уыд фембæлд Санкт-Петербурджы цæрæг ирæттимæ. Уыдон радзырдтой, Кучиты Юрийы ном сæнусон кæнынæн цы куыст кæнынц, уый тыххæй. Ныронг уал сарæзтой номарæн фæйнæджы экскиз, æмæ йæ байгом кæндзысты, арктикон капитан цы хæдзары цард, уым. Йæ ном хæсдзæн ихсæттæн танкер Хельсинки. Дзæуджыхъæуы 27-æм скъолайæн та балæвар кæндзысты Кучиты Юрийы портрет. Йæ автор у Татьяна Захарова. Битарты Вячеслав цæгатаг сахары цæрæг ирæттæн загъта бузныг, æмæ сын зæрдæ бавæрдта, сæ арфæйаг хъуыддаджы сын кæй баххуыс кæнындзæн, уымæй.
