филиал вгтрк государственная телерадиовещательная компания “Алания”

Се нæниздзинад цудыд кæмæн у, ахæм адæмæн æмбæлгæ уавæртæ аразыны фарста, раздæрау, у актуалон. Дзæуджыхъæуы æмбырды минæвæртты депутаттæ сбæрæг кодтой, арæзтадон куыстытæ цы уынгты цæуынц, уыдоны хæрзхъæддзинад. Программæ «Горæты æнцонвадат царды» нормæтæм гæсгæ къахвæндæгтыл пандустæ хъуамæ æвæрд уой афтæ, цæмæй сæ æнцонтæй пайда кæной коляскæты чи ис, уыцы адæм. Весеннийы уынджы тротуар ныридæгæн конд фæцис, фæлæ дзы хъæугæ къуым нæ разынди.