филиал вгтрк государственная телерадиовещательная компания “Алания”

14:21 пятница, 29 марта 2024
09 сентября 2020, 14:23
Скъолаты райдиан кълæсты ахуырдзаутæн ис тæвд хæринаг

Ныр сæм æнхъæлмæ кæсы æрмæст цымыдисаг ахуыртæ нæ, фæлæ хæрзад аходæн дæр

Скъолаты райдиан кълæсты ахуырдзаутæн ис тæвд хæринаг. Ныр сæм æнхъæлмæ кæсы æрмæст цымыдисаг ахуыртæ нæ, фæлæ хæрзад аходæн дæр. Цæгат Ирыстоны æппæт скъолатæн дæр бакуыстой иумæйаг тæвд хæринаджы хыгъдыл. Арæзт цыди æппæт домæнтæ хынцгæйæ, специалистты амынддзинæдтæм гæсгæ. Ам сæйрагдæр у, хæринаджы æмæ продуктты хæрзхъæддзинадмæ кæсын. Тæвд хæринаджы фарстаты фæдыл кусы комкоммæ лини. Ныййарджытæн сæ бон у бадзурын сæ фæндонтæ æмæ сæ фиппаинæгтимæ.

Борщ – фыццаг хæрдæн, гречкæ – дыккаг хæрдæн. Фыццаг къласы ахуырдзаутæ фæлварынц ног хæринæгты номхыгъд. Æрыдоны районы скъолатæ æххæст сты хæринагæй. Уый загъта Æрыдоны ахуырады хицау Андрей Швецов. Ацы аз ахуырадон куыстуæттæ ног системæмæ раивдзысты. Уый хауы фыццæгæмæй – цыппарæм клъæсты ахуырздзаутæм.

Аходæны фæтк цæттæ у ног ахуыры азы райдианмæ. Хæрыны хыгъд арæзт æрцыд фæлхасадмæ цæстдарды управленийы амынддзинæдтæм гæсгæ.. Хæринаг у сеппæтæн дæр æнæмæнг æмæ лæвар.

Дæллаг Фыййагдоны иунæг скъолайы сывæллæттæ æнхъæлмæ кæсынц сæ сихоры хæрдмæ. Нæ сæ рох кæны санитарон домæнтæ дæр. Ныхсынц сæ къухтæ хæрды размæ. Кълæстæ хæрынц радыгай, цæмæй кæрæдзимæ хæстæг ма уой.

Ахуырадон куыстуæттæ исынц æхцайы фæрæзтæ федералон,  регионалон æмæ бынæттон бюджеттæй. Хæринаджы хæрзхъæдзинадыл дзуапп дæтты скъолайы администраци.

vgtrk_alania
vgtrk_alania
vgtrk_alania
vgtrk_alania