филиал вгтрк государственная телерадиовещательная компания “Алания”

Спорты галуан «Манеж»-ы сарæзтой Советон Цæдисы 2-хатты Хъæбатыр Плиты Иссæйы номарæн турнир боксæй. Æппæтуæрæсеон ерыстæ цæудзысты 5 боны. Архайы дзы 50 спортсмены. Сты Уæрæсейы 7 субъектæй. Знон уыдысты рагагъоммæйы ерыстæ, ацы 2 боны та боксертæ тох кæндзысты финалмæ рацæуыныл. Кæронбæттæн хъæзтытæ уыдзысты 22-æм ноябры. Турниры æмвæзад у бæрзонд, уымæ гæсгæ йæм æрбахуыдтой нæ бæстæйы алы регионты дунеон къласы тæрхонгæджыты. Ссыдысты ма Уæрæсейы боксы Федерацийы минæвæрттæ. Турниры аразджыты хъуыдымæ гæсгæ ацы ерыс æрыгон боксертæн хорз фæрæз у сæ арæхстдзинад равдисынмæ. Уыимæ ма уæлахиздзаутæ сæххæст кæндзысты «Уæрæсейы спорты мастеры» нормативтæ.