04 июня 2019, 17:15
Сыгъдæг къниаз Дмитрий Донскойы номыл аргъуан цы бынаты уыдзæн, уым кадджын уавæры сæвæрдтой æмæ байгом кодтой номарæн дур
Хуссар æфсæддон зылды æфсæддон пъæлицæйæгты ахуыргæнæн центры фæзуаты, Сыгъдæг къниаз Дмитрий Донскойы номыл аргъуан цы бынаты уыдзæн, уым кадджын уавæры сæвæрдтой æмæ байгом кодтой номарæн дур.
Архайдтой дзы Уæрæсейы Федерацийы хъахъхъæнынады министрады æфсæддон пъæлицæйы сæйраг управленийы хицау, инæлар-лейтенант Владимир Ивановский, Хуссар, Центрон, Ныгулæн æмæ Скæсæйнаг æфсæддон зылдты æмæ Цæгатаг флоты пъæлицæйæгты разамонджытæ.
Номарæн дурыл саргъуыдта Дзæуджыхъæуккаг æмæ Алайнаг алчер Леонид æмæ раарфæ кодта, ахæм ахсджиаг хъуыддаг кæй кæнынц, уый фæдыл. Владимир Ивановский загъта аргъуаны арæзтадмæ се вæрæн кæй бахæсдзысты æфсæддонтæ дæр, æмæ 2020-æм азы 9-æм майы ног арæзт дзуары бынаты ацæудзæн фыццаг куывд.
темæмæ гæсгæ