Ацы аз сæм цæуы 80 адæймаджы
Ирыстоны æрдзы рæсугъд бынæтимæ базонгæ уæвын – уый хорз у, фæлæ ма иронау дзурын куы базонай, уый та уымæй хуыздæр. Уымæн æмæ цыфæнды адæмыхатт дæр хъæздыгдæр кæны йæ культурæйæ, историйæ æмæ мадæлон æвзагæй. Уыцы хъуыды фидарæй зонынц сывæллæтты сфæлдыстады Галуаны сæрдыгон лагерь «Фидæн»-ы. Уымæ гæсгæ дзы арæзт æрцыдысты ирон æвзаг ахуыр кæныны курсытæ. Ацы аз сæм цæуы 80 адæймаджы. Курсытæ ма кусдзысты иу мæйы онг.
Йæ сæрдыгон каникултæ мæскуыйаг чызг София Сайгитова æрвиты Дзæуджыхъæуы. Уыимæ йæ рæстæг дзæгъæлы нæ сафы. зæрдиагæй йæ бафæндыд ирон æвзаг ахуыр кæнын. Уымæн æмæ йыл дзурынц йæ мад, йæ нана æмæ йæ баба. Ныридæгæн ын ис фыццаг æнтыстдзинæдтæ дæр.
Цыфæнды адæм дæр æнæ культурæйæ æмæ историйæ хъæздыг нæ уыдзысты. Уыцы хъуыды фидарæй зонынц сывæллæтты сфæлдыстады Галуаны сæрдыгон лагерь «Фидæн»-ы. Уымæ гæсгæ ирон æвзаджы ахуырты курсыты лæппуты æмæ чызджыты фарсмæ æппынæдзухдæр Хетæгкаты Къостайы æмдзæвгæты æмбырдгонд. Йæ фарсмæ та, æнæмæнг, ирон фæндыр, дала-фæндыр æмæ дыууадæстæнон фæндыр. Уый та уымæн, æмæ искæйы ирон музыкæмæ акафын куы бафæнда, уæд. Ахæм хъуыды та фæсивæдмæ арæх сæвзæры.
Зæгъдзыстæм ма уый дæр, æмæ лагеры канд кафыныл нæ сахуыр кæндзысты, фæлæ ма арæхдæр кæмæй пайда кæнынц, уыцы дзырдтæ иронау дзурыныл. Ахуырадон процесс цæуы слайдтæ æвдисыны æмæ хъазты хуызы. Дзусты Беллæ у Цæгат Ирыстоны паддзахадон педагогон институты ирон филологийы кафедрæйы разамонæг. Йе мкусджытимæ бакуыста ахуыргæнæн программæйы пъланыл. Сæйрагдæр хъуыды кодтой ууыл, цæмæй ирон æвзаг бамбæрстой куыд хæрзчысыл сабитæ, афтæ рæзгæ фæлтæр дæр.
Ацы аз ирон æвзаджы курсытæм цæуынц 80 сывæллоны. Æмæ ма иу ахсджиаг фарста – курсытæ кусдзысты июлы астæумæ.
