17 июня 2019, 12:20
Традицион турнир джип-триалæй арæзт æрцыд Хæзныдоны хъæугæрон
Ерысмæ рацыдысты 16 экипажы Цæгат æмæ Хуссар Ирыстонæй, стæй Кæсæг-Балхъары республикæйæ.
Традицион турнир джип-триалæй арæзт æрцыд Хæзныдоны хъæугæрон. Ерысмæ рацыдысты 16 экипажы Цæгат æмæ Хуссар Ирыстонæй, стæй Кæсæг-Балхъары республикæйæ. Сæ фæлтæрддзинад равдыстой дыууæ къордæй: машинæтыл æмæ квадроциклтыл цæуынæй. Уæвгæ, турнир у номарæн. Ныр дзы 9-æм хатт арынц ацы спорты хуызы хъæппæрисджын адæймаг Таматы Ирбеджы ном. Ацы аз та ма баиу Цæгат Кавказы ерыстимæ джип-триалæй. Цæуынц Стъараполы крайы. Уымæ гæсгæ Хæзныдоны турниры, иннæ азтимæ абаргæйæ, бирæ архайджытæ нæ уыди. Фæлæ ацы спорты хуыз чи уарзы, уыдоны нымæц чысыл нæ уыд, стæй се ппæт дæр райстой бирæ хорз æнкъарæнтæ.
темæмæ гæсгæ
