Фембæлди районты сæргълæуджытимæ, ахуырады управлениты разамонджытимæ æмæ ахуырадон организациты минæвæрттим
Абон Цæгат Ирыстонмæ кусæг балцы ссыд Уæрæсейы рухстауæны министр Сергей Кравцов. Йæ балцы рæстæг Уæрæсейы ахуырадмæ цæстдарды управленийы разамонæджы хæстæ æххæстгæнæг Музаты Анзоримæ æмæ Цæгат Ирыстоны сæргълæууæг Битарты Вячеславимæ сарæзта æмбырд Дзæуджыхъæуы администрацийы. Фембæлди районты сæргълæуджытимæ, ахуырады управлениты разамонджытимæ æмæ ахуырадон организациты минæвæрттимæ. Сергей Кравцов хорзыл банымадта, ног скъолаты æмæ рæвдауæндæтты арæзтад кæй цæуы, уый. Хицæнæй æрлæууыди профориентацион куысты фарстатыл. Бæлвырддæр та ахуыргæнæджы кад фæстæмæ раздахыныл. Стыр æргом ма аздæхтой къласы разамонджытæн æххуыс кæныны мадзæлттæм.
Уазджытæ ма Дзæуджыхъæуы бабæрæг кодтой ног скъола «Диалог». Ис дзы 1100 бынаты. Арæзтадон куыстытæ, зæгъæн ис, æмæ кæронмæ æрхæццæ сты. Федералон министр ма федта, æрæджы цалцæджы фæстæ кæй байгом кодтой, уыцы планетарий. Сергей Кравцовы кусæг балц фæци,
Беслæны фыццæгмæ скъола бабæрæг кæнынæй. Дидинджытæ сæвæрдта мемориалон уæлмæрд «Зæдты горæты».
