2022-æм азмæ та фæзындзысты æппæт хъæуккаг скъолаты.
Цæгат Ирыстоны 17 хъæуккаг скъолайы кусын райдыдтой гуманитарон æмæ нымæцон центртæ «Точки роста». 2022-æм азмæ та фæзындзысты æппæт хъæуккаг скъолаты. Проект царды рауадзынæн радих кодтой 26 милуан сомы федералон бюджетæй. Уыцы хцайæ балхæдтой ног кусæнгæрзтæ, цæстуынгæ æрмæг. Нысантæм гæсгæ сывæллæттæ архайдзысты шахмæтты кълæсты, кусдзысты компьютертимæ, тренажерты, æмархайд кæндзысты нырыккон технологитимæ. Центр баххуыс кæндзæн хъæуккаг скъолаты ахуырады æмвæзад фæуæлдæр кæнынæн. Темæ дарддæр хæццæ кæны Гутъиаты Алинæ.
Афойнадыл уавæрæн аргъ скæнын æмæ адæймаджы цард аирвæзын кæнын. Манекен-тренажерты фæрцы тагъд рæстæг фыццаг медицинон æххуыс бакæнын базондзæн алы скъоладзау дæр. Сывæллæтты сахуыр кæндзысты зæрдæйы массаж кæнын, стæй цæфтæм зилын.
Мидисджындæр уыдзысты информатикæ æмæ технологийы урочытæ. Скъолайы фæзындысты ног компьютертæ æмæ уæлæмхасæн æцæгдзинады шлемтæ. Тагъд ма сæм бафтдзыстры три дэ принтертæ, квадракоптертæ æмæ робототехникæйы хуызтæ. Каникулты рæстæг ахуыргæнджытæ ацыдысты сæрмагонд ахуыртæ. Ног технологитæ базонынæн сын баххуыс кодтой Дзæуджыхъæуы Кванториумы.
Хуымæллæджы скъолайы «Точка роста» байгом ис национ проект Ахуырады фæлгæты. Йæ фæрцы ног технологитимæ архайын базондзæн алы скъоладзау дæр.
Ацы аз нæ республикæйы байгом æвдæс центры «Точки роста». Куыд фæстæдæр, афтæ сæ нымæц кæндзæн фылдæр.
Скъоладзаутæн райдыдой ног, мидисджындæр ахуыры бонтæ. Уыдзæнис дзы бирæ ногдзинæдтæ, дæсныйадæвдисæг ахуыртæ алыхуызон специалисттимæ. Урочытæй уæлдай ма дзы уыдзæнис уæлæмхасæн ахуыртæ дæр. Сывæллæттæ базондзысты командæйы кусын, æмхиц кæндзысты сфæлдыстадон зондахастмæ, стæй араздзысты ног проекттæ.
