Ныридæгæн цы объекттæ байгом кодтой, уыдон ифтонг сты алцæмæй дæр
Цæгат Ирыстоны 2020-æм азы нысан кæнынц 36 фельдшерон-акушерон пункты саразын æмæ сног кæнын. Ныридæгæн цы объекттæ байгом кодтой, уыдон ифтонг сты алцæмæй дæр. Ис дзы УЗИйы æмæ кардиограммæгæнæн аппараттæ, æнтыстджынæй дзы кусынц стаматологон кабинеттæ, стæй боныгон стационартæ. Хостæй дæр цух не сты. Абон ма паддзахадон программæ «Регионы райрæзт» æххæстгæнгæйæ, амбулатори арæзт цæуы Михайловскæйы дæр. Ацы къабазы куыст куыд цæуы, уый тыххæй дарддæр радзурдзæн Касаты Наирæ.
Нырыккон фельдшерон акушерон пункт митджын къæдзæхты хсæн. Цъæйы медицинон пункт фæзынди афæдзы размæ. лæггад кæны 4 хъæуæн. Амы цæрджыты нымæц аразгæ вæййы афæдзы афонæй. Сæрдыгон дзы вæййы 200 адæймаджы, зымæгон та – 40. Æнæ медицинон æххуысæй нæ баззайынц туристтæ дæр. Хæххон рекреацион комплексы зымæгон вæййы бирæ адæм. Медицинон куыстуат ифтонг у æппæт хъæугæ кусæнгæрзтæй.
Фельдшерон акушерон пункты лæггæдтæй фылдæр пайда кæнынц йæ туджы æлхъывдад æмбæлгæ уавæры кæмæн нæу, ахæм адæм. Ам сын ис æппæт уавæртæ, суанг æвæстиаты æххуыс бакæныны онг. Медицинон пункты ис афтек дæр.
Хæтæлдоны ног фельдшерон акушерон пункт байгом декабры кæрон. Нырма æххæстæй конд нæу. Фæлæ дзы ныридæгæн рынчынтæн лæггад кæнынц. Хъодзаты Марат у иумæйаг практикæйы дохтыр. Медицинæйы ис 40 азы. Æмæ æппæт уыцы рæстæг кусы хъæуы. Хæтæлдоны цæры 850 адæймаджы, уыдонæй 150 сты сывæллæттæ, 220 адæймаджы та æдзух дохтырты æххуыс кæй хъæуы, ахæмтæ.
2020-æм азы Алагиры районы фæнд кæнынц фельдшерон акушерон пунктты арæзтад æмæ цалцæггæнæн куыстытæ. Афтæ, зæгъæн ис, æмæ Рæмонты хъæуы арæзт æрцæудзæн фельдшерон акушерон пункт, Сырх ходы ногæй рацараздзысты зæронд амбулатори. Бындурон цалцæг æрцæудзысты Цæлыккаты хъæуы, Дзуарыхъæу æмæ Црауы медицинон пункттæ.
Ацы къабазы стыр куыст бакодтой республикæйы стырдæр районтæй иуы. Горæтгæрон районы фарон байгом кодтой дыууæ ног амбулаторийы.
Тарскæйы амбулатори кусын райдыдта ивгъуыд азы июлы. Куыстуатæн иу бонмæ лæггад кæнын йæ бон у 50 адæймагæн. Раздæр йæ бынаты уыди рынчындон. Фæлæ рæстæджы цыдимæ йæ уавæр заууатмæ æрцыди.
Тарскæйы ис 4 мины 8 сæдæ цæрæджы, 750 дзы сывæллæттæ.
Сунжæйы та абоны онг ис 13 минæй гыццыл фылдæр адæймаджы. Ивгъуыд азы августы ам дæр йæ дуæрттæ байгом кодта бынæттон амбулатори. Бæстыхай у дыууæуæладзыгон. Ис дзы цалдæр хайады.
Адæмы раздрау æндæр рæттæм цæуын кæй нал хъæуы, æмæ бынаты æппæт хъæугæ æххуыс кæй райсынц, уый дæр бирæйы аргъ.
Медицинон куыстуат ифтонг у алцæмæй дæр. Ис дзы УЗИйы æмæ кардиограммæгæнæн аппататтæ, æнтыстджынæй кусы стаматологом кабинет дæр. Стæй, боныгон стационар 4 бынатæн. Медицинон объект бонмæ лæггад кæны 26 адæймагæн. Хостæй дæр цух нæу. Абон ма паддзахадон программæ «Регионы райрæзт» æххæстгæнгæйæ, амбулатори арæзт цæуы Михайловскæйы дæр. Уæвгæ та, æдæппæтæй Цæгат Ирыстоны 2020-æм азы нысан кæнынц 36 фельдшерон акушерон пункты саразын æмæ сног кæнын.
