Уый тыххæй фехъуысын кодта культурæйы министр Къуыбалты Эльбрус.
Цæгат Ирыстоны 300 хæзна чиныджы раивдзысты нымæцон хуызмæ æмæ сæ бахæсдзысты национ электрон библиотекæмæ.
Уый тыххæй фехъуысын кодта культурæйы министр Къуыбалты Эльбрус. Уыцы куыст арæздзысты программæ «Нымæцон культурæ» æххæстгæнгæйæ. Раздæр республикон наукон библиотекæ сæххæст кодтой онлайн-проект «Ирыстоны чингуыты дуне». Нымæцон хуызмæ рахастой Ирыстоны фысджыты сфæлдыстадон бынтæ. Чиныгкæсджыты размæ рахастой уацтæ, фыстæджытæ, Хетæгкаты Къостайы радзырдтæ, Малиты Георгийы, Гуырзыбеты Блашкайы, Калоты Хазбийы, Кочысаты Мухарбеджы æмæ Кочысаты Розæйы уацмыстæ. Уымæй уæлдай библиотекæ кусы проект «Литературная карта Осетии»-йыл. Бæрæг дзы кæнынц Цæгат æмæ Хуссар Ирыстоны литературæ ивгъуыды æмæ нырыккон царды. Бæрæггонд дзы цæуынц уырыссаг æмæ фæсарæйнаг фысджытæй йæ фæндаг Ирыстоныл кæмæн уыд, ирон фысджыты фæсномыгтæ, литературон премиты лауреаттæ, журналтæ æмæ рауагъдæтты иугæндтæ, стæй литературон цаутæ. Чиныгкæсджыты зонгæ кæны литературон цыртдзæвæнтимæ æмæ номарæн бынæттимæ, цавæр уынг æмæ фысджытæй кæй ном хæссы, ссарæн дзы ис музейты æмæ библиотекæты тыххæй хъусынгæнинæгтæ.
