филиал вгтрк государственная телерадиовещательная компания “Алания”

12:06 четверг, 28 марта 2024
16 декабря 2019, 17:00
Цæгат Ирыстоны 47 бирæсывæллонджын бинонтæ ацы аз райстой зæххы хæйттæ

Республикæйы паддзахадон исбоны æмæ зæххы ахастдзинæдты министрад ма иннæ бирæсывæллонджын бинонтæн Дзуарыхъæуы æмæ Джызæлы снысан кодта ноджыдæр 200 зæххы хайæ фылдæр

Цæгат Ирыстоны 47 бирæсывæллонджын бинонтæ ацы аз райстой зæххы хæйттæ. Республикæйы паддзахадон исбоны æмæ зæххы ахастдзинæдты министрад ма иннæ бирæсывæллонджын бинонтæн Дзуарыхъæуы æмæ Джызæлы снысан кодта ноджыдæр 200 зæххы хайæ фылдæр. Уый тыххæй Битарты Вячеславæн кусæг фембæлды рæстæг фехъусын кодта профилон министр Тедеты Руслан. Куыд ма загъта, афтæмæй ацы аз республикæйы исбоны хыгъды сæвæрдтой 200 объекты. Сты сидзæр сывæллæттæн фатертæ, стæй завод «Электроцинк» республикон исбонмæ кæй радта, уыцы республикон нысаниуæгимæ культурон цыртдзæвæнтæ. Уымæй дарддæр ма Мидхъуыддæгты Министрады мидæфсæдты раздæры цæгаткавказаг æфсæддон институты исбоны комплекс дæр. Ныхас цыд зæххæн арендон фиддонтæ æмбырд кæныныл дæр. Уыдон республикон бюджетмæ бахастой 32 милуан сомы. Битарты Вячеслав министрадæн бабар кодта, цæмæй цæстдарой зæххы хæйтты хицæуттæм, æмæ участокты кадастрон аргъ барæй ма ныллæгдæр кæной. Исбон æмæ зæххы ресурстæ хъуамæ кусой республикæйы экономикæйы пайдайæн.

vgtrk_alania
vgtrk_alania
vgtrk_alania
vgtrk_alania