филиал вгтрк государственная телерадиовещательная компания “Алания”

11:45 пятница, 29 марта 2024
03 декабря 2019, 12:28
Цæгат Ирыстоны æхсæнадон палатæйы ног уæнгтæ æрæмбырд сты сæ фыццаг æмбырдмæ

Уæвгæ та хицауады æмæ æхсæнады иумæйаг фарстатыл кусæг оргæн нæ республикæйы фæзынд 13 азы размæ.

Цæгат Ирыстоны æхсæнадон палатæйы ног уæнгтæ æрæмбырд сты сæ фыццаг æмбырдмæ. Уæвгæ та хицауады æмæ æхсæнады иумæйаг фарстатыл кусæг оргæн нæ республикæйы фæзынд 13 азы размæ. Афæдзæй-афæдзмæ Æхсæнадон палатæ кæны фидардæр, загъта йæ раныхасы республикæйы Сæргълæууæг Битарты Вячеслав. Фæсидт палатæйы уæнгтæм, цæмæй æхсæнадон цæстдард рæза, æмæ бæстондæр кæсой паддзахадон хицаудзинады оргæнты архайдмæ. Йæ зæрдæ дары, æхсæнадон кусджыты экспертон хъомысæй активонæй кæй пайда кæндзысты, республикон закъонтæ аразгæйæ. Ныртæккæ æнæмæнг хъæугæ у падззахады æмæ æхсæнады ахастдзинæдты ног стандарт – бæрнон æмгуыстад. Республикæйы разамонæг загъта, цæттæ кæй у ахæм æмархайдмæ. Уæ зæрдыл уын æрлæууын кæндзыстæм, Æхсæнадон палатæмæ сæ кандидатурæтæ бадæттын уыд æппæтуæрæсейаг, регионты хсæн, регионалон, бынæттон æхсæнадон организациты уæнгтæн, стæй æнæкоммерцион организациты минæвæрттæн. Федералон æмвæзадыл фæзынд цалдæр ногдзинады. Нырæй фæстæмæ йæ хыгъды æртыццаг хай хъуамæ сфидар кæна регионы сæргълæууæг, иннæ æртыццаг хай – закъонæвæрæг оргæн. Уый фæстæ организаци кæронмæ баххæст кæнынц æхсæнадон æмæ æнæкоммерцион организациты делегаттæй. Сæйраг домæн – граждайнаг æхсæнады рæзтмæ æвæрæн хæссын, стæй фæлтæрддзинадыл кусын. Фыццаг æмбырды æхсæнадон кусджытæ равзæрстой сæрдары. Уыцы хæстæ дарддæр дæр æххæст кæндзæн Уæрæсейы историкты-архивистты регионалон минæварады разамонæг, нæ республикæйы сгуыхт экономист Нина Чиплакова. Снысан ма кодтой палатæйы структурæ æмæ профилон къамисты, кусæг къордты уæнгты.

vgtrk_alania
vgtrk_alania
vgtrk_alania
vgtrk_alania