филиал вгтрк государственная телерадиовещательная компания “Алания”

Цæгат Ирыстоны æппæт скъолатæй 80 ахуырдзауæй фылдæр абон архайынц ирон æвзаджы олимпиадæйы. Абон уал дæттынц йæ грамматикон хай. Хаст æм æрцыдысты тесты хæслæвæрдтæ æмæ нывæцæн. Райсом скъоладзаутæ сæ зонындзинæдтæ равдисдзысты ирон литературæйæ. Сæ куыстытæн сын аргъ кæндзысты фæлтæрдджын педагогтæ. Республикæйы ахуырады æмæ наукæйы министрады специалисттæ куыд зæгъынц, афтæмæй олипиадæ у иттæг хорз фæрæз, цæуыл сахуыр сты, уый раргом кæнынæн. Уыимæ иу фиппаинаг – ам ахсджиаг нæу, скъоладзау ирон æвзагыл дзуры, æви нæ, уый. Стæй ма иу хъуыддаг – тесттæ дих кæнынц дыууæ категорийыл: иутæ – чи дзуры иронау, уыдонæн, иннæтæ та – чи нæ зоны, сæрмагондæй уыдонæн.