Республикæйы раззагдæр куыстуæттæй иу ис Зæрæмæджы донæмбырдгæнæны
Цæгат Ирыстоны активонæй цæуы кæсагдарыны куыст фæпарахатдæр кæныныл архайд. Республикæйы раззагдæр куыстуæттæй иу ис Зæрæмæджы донæмбырдгæнæны. Зæгъдзыстæм уый дæр, æмæ Цæгат Кавказы нымад у, абарæн кæмæн нæй, ахæм куыстуатыл. Балер кæсæгтæ домынц сыгъдæг экологон уавæртæ, ома уæлдæфы æмæ доны бæлвырд температурæ. Куыд рæзы ацы къабаз нæ республикæйы, уый тыххæй радзурдзæн Хæуытаты Зитæ.
Зæрæмæджы ГЭСмæ хæстæг цы хъæууон хæдзарад æрбынат кодта, уым дарынц балер кæсаг. Ирыстоны цæугæдæттæ æмæ æрдзон уæвæртæ иттæг хорз сты ацы кæсаг дарынæн. Донæмæбырдгæнæн уыцы-иу рæстæг дзаг кæны цæссыджы хуызæн цыппар цæугæ донæй.
Техникон æгъдауæй дар ам цы мадзæлттæ арæзт æрцыдис æмæ цæуы, уыдон фадат дæттынц балер кæсаджы рæзтæн. Сæхиуыл æнауæрдгæйæ ацы ран ууыл архайынц кæсагдарджытæ дæр.
Касаг æвзарынц йæ уæз æмæ йæ азмæ гæсгæ. Хицæн бынат – чысыл кæсæгтæн, иннæтæ та – уæй кæнынмæ чи у, ахæмтæн. Цы холлæгтæ сын дæттынц, уыдон сты хæрзхъæд æмæ пайдайаг. Ацы хъæууонхæдзарадон куыстуаты ма фæлварынц Хъаспийы кæф парахат кæнын дæр.
Бафипаййын хъæуы, фæстаг азты кæсагдарынадмæ цы стыр ргом аздæхт цæуы ,уый.
Специалистты хъуыдымæ гæсгæ, Цæгат Ирыстоны ис æппæт уавæртæ кæсаг дарыны къабазы райрæзтæн. Афтæмæй, хæстæгдæр 5-7 азмæ нæ республикæ хаст æрцæудзæн кæсаг дарыны раззагдæр регионты номхыгъдмæ.