05 июня 2019, 12:25
Цæгат Ирыстоны делегаци архайы æппæтадæмон фестиваль «Студенческая весна стран БРИКС и ШОС»-ы
Цæуы Стъараполы, æмæ дзы архайы 23 бæстæйы минæвæрттæ.
Цæгат Ирыстоны делегаци архайы æппæтадæмон фестиваль «Студенческая весна стран БРИКС и ШОС»-ы. Цæуы Стъараполы, æмæ дзы архайы 23 бæстæйы минæвæрттæ. Фестивалы фæлгæты конкурстæй уæлдай сараздзысты ахуырадон программæтæ, стæй студентон æмæ фæсивæдон дзыллон-информацион фæрæзты форум. Цæгат Кавказы регионтæй форумы архайы æрмæстдæр нæ республикæ. Цæгат Ирыстоны падддзахадон университеты æмæ медицинон академийы иугонд командæ равдисдзæнис Куыртаттаг чындзæхсæвы кафт æмæ симд. Кафджыты къордæн разамынд дæтты Цæгат Ирыстоны сгуыхт артисткæ Хуыбаты Зæринæ. Æппæтадæмон студентон уалдзæг фæуыдзæнис 9-æм июны.
темæмæ гæсгæ
