Баст у хъазахъхъæгты змæлды 30 азы бонимæ. Равдыстмæ бахастой нырыккон цард æвдисæг къамтæ
Цæгат Ирыстоны хæлардзинады Хæдзары арæзт æрцыд хуызистыты равдыст «Ирыстоны хъазахъхъæгтæ». Баст у хъазахъхъæгты змæлды 30 азы бонимæ. Равдыстмæ бахастой нырыккон цард æвдисæг къамтæ. Уæвгæ, равдыст схонæн ис, абарæн кæмæн нæй, ахæмæй. Уымæн æмæ дзы равæрдтой Цæгат Ирыстоны цæрæг хъазахъхъæгты бинонты архивтæй æрмæджытæ, хуызистытæ æмæ гæххæттытæ. Истори æмæ археологийы Институты наукон кусæг Феликс Киреев се ппæт æрбацæуджытæн радзырдта хъазахъхъæгты æхсæнады арæзты тыххæй. Мадзалы ма, хъазахъхъæгты æхсæнады уæнгтæй дарддæр, архайдтой хоры коллективтæ æмæ зарæггæнджытæ. Равдыст саразыныл бакуыста республикæйы хæлардзинады Хæдзары хъазахъхъаг æхсæнадты куысты хайады специалисттæ.
