Кусæг фембæлды архайдта Уæрæсейы историон æхсæнады уæнг, «Фыдыбæстæйы историйы» фонды æххæстгæнæг директор Константин Могилевский
Цæгат Ирыстоны паддзахадон университеты фыццаг хатт ацыди Уæрæсейы историон æхсæнады æмбырд. Кусæг фембæлды архайдта Уæрæсейы историон æхсæнады уæнг, «Фыдыбæстæйы историйы» фонды æххæстгæнæг директор Константин Могилевский. Сæйраг фарстатыл æрдзурыны размæ уал экскурси скодтой рагон Аланийы музейыл. Уый фæстæ, æрныхас кодтой æмгуыстады фарстатыл, историон зонындзинæдтæ парахат кæныныл. Ам ахсджиаг у, цæмæй рæстæджы цыдимæ историон бæлвырддзинæдтæ зыгъуыммæ ма фæлдахой, ууыл архайын. Уымæн та стыр ахъаз фæуыдзæни адæмимæ, уæлдайдæр та фæсивæдимæ æргом ныхас кæнын, историмæ сæ разæнгард кæнын. «Ахæм профилактикон куысты фæрцы фæсивæд дызæрдыггаг хъуыдыты уацары нæ хаудзысты»- загъта Константин Могилевский.
