филиал вгтрк государственная телерадиовещательная компания “Алания”

13:45 пятница, 29 марта 2024
19 июня 2019, 12:15
Цæгат Ирыстоны педагогон институты стадион кæй хъæуы, уыимæ ректор разы у

Куыд загътой, афтæмæй йæ сараздзысты афæдзмæ. Сараздзысты йæ, институтæн Кутузовы уынджы цы факультеттæ ис, уыдоны кæрты.

Цæгат Ирыстоны педагогон институт Уæрæсейы ахуырадмæ цæстдарды хатдзæгыл цы аппеляци балæвæрдта, уымæ æркаст уыдзæнис дыууæ мæйы дæргъы. Институты стадион кæй хъæуы, уыимæ ректор разы у. Куыд загътой, афтæмæй йæ сараздзысты афæдзмæ. Фидæны стадионæн ис бынат дæр. Сараздзысты йæ, институтæн Кутузовы уынджы цы факультеттæ ис, уыдоны кæрты. Уæвгæ, институтмæ ис сертификаттæ æмæ дипломтæ, нымайынц æй, специалистты иттæг хорз кæй цæттæ кæны, стæй йын социалон-экономикон нысаниуæг кæй ис, уый тыххæй дæр. Фæлæ уæддæр Уæрæсейы ахуырады цæстдарды аккредитаци нæ ацыдис.
Ис ма йæм сертификаттæ æмæ дипломтæ, Уæрæсейы кады фæйнæгыл кæй ис, уый тыххæй. Нымайынц æй, специалистты иттæг хорз кæй цæттæ кæны, стæй йын социалон-экономикон нысаниуæг кæй ис, уый тыххæй дæр. Фæлæ уæддæр Цæгат Ирыстоны педагогон институт Уæрæсейы ахуырады цæстдарды аккредитаци нæ ацыдис.
Институты ис колледж, бакалавриат, магистратурæ, аспирантурæ. Иудзырдæй, ахуыргæнджытæ цæттæ кæныны бирæвæрсыг системæ. Фæлæ колледжы нæй стадион. Уый та у, астæуккаг профессионалон ахуырады аккредитацийы домæнтæй иу. Уæрæсейы ахуырадмæ цæстдарды сайты ныммыхуыр кодтой хатдзæг. Ис ма дзы, аккредитаци цæй тыххæй нæ ацыдысты, ахæм дыууæ пункты дæр. Уæрæсейы ахуырадмæ цæстдарды къамисы хатдзæгы нæй иунæг æппæрцæг фиппаинаг дæр студенттæ цæттæ кæныны программæйы хæрзхъæддзинадмæ æмæ нормативон документтæм. Педагогон институтæн аккредитаци кæй нæ радтой, уый уыд æнæнхъæлæджы хабар куыд йæ кусджытæн, афтæ институты рауагъдонтæн дæр.
Сæ ахуыргæнæндоны хъысмæтыл тыхсынц студенттæ дæр. Уыдон тырныдтой педагогон институтмæ бахауынмæ, ам бахсыстис сæ фæндон ахуыргæнæг суæвын.
Афтæ кæй уыдзæнис, уый гуырысхойаг нæу — зæгъы институры ректор. Кæд ахуыргæнæндонмæ аккредитаци нæй, уæддæр уый къуылымпыйаг нæу, цæмæй ног студенттæ райсой, уый тыххæй. Аккредитаци кæй нæй, уый бар дары æрмæстдæр рауагъдонтæм.
Цæгат Ирыстоны педагогон институт Уæрæсейы ахуырадмæ цæстдарды хатдзæгыл цы аппеляци балæвæрдта, уымæ æркаст уыдзæнис дыууæ мæйы дæргъы. Институты стадион кæй хъæуы, уыйимæ ректор разы у. Куыд загътой, афтæмæй йæ сараздзысты афæдзы дæргъы.
Фидæны стадионæн ис бынат дæр. Сараздзысты йæ, институтæн Кутузовы уынджы цы факультеттæ ис, уыдоны кæрты. Йæ фæзуат æрдæг гектар кæмæн у, ахæм быдыры ис саразæн иттæг хорз стадион. Нысан ма дзы кæнынц спортивон городок саразын дæр. Фадат дзы уыдзæн мини-футболæй, волейболæй æмæ баскетболæй хъазынæн. Уымæй дарддæр дзы сæвæрдзысты дугъыуайæн фæндаг, стæй тренажертæ.

vgtrk_alania
vgtrk_alania
vgtrk_alania
vgtrk_alania